ပခုက္ကူ၊ ဇူလိုင် ၁၉
မကွေးတိုင်းဒေသကြီး၊ ပခုက္ကူမြို့၌ (၇၉)နှစ်မြောက်အာဇာနည်နေ့ဝမ်းနည်းခြင်းအထိမ်းအမှတ်အဖြစ် ပြည်ထောင်စု သမ္မတမြန်မာနိုင်ငံတော်အလံအား တိုင်ဝက်လွှင့်ထူခြင်း၊ ဥဩဆွဲဂုဏ်ပြုခြင်းနှင့် ဂါရဝငြိမ်သက်အလေးပြုခြင်းတို့ဖြင့် ဇူလိုင်လ ၁၉ ရက် နံနက်၁၀နာရီ ၃၇မိနစ်အချိန်က ဂုဏ်ပြုလှုပ်ရှားဆောင်ရွက်ကြသည်။
ထိုသို့ဆောင်ရွက်ရာတွင် ပခုက္ကူခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ၏ဦးဆောင်မှုဖြင့် ဌာဆိုင်ရာများ၊ ရပ်ကွက်အုပ်ချုပ်ရေးမှူးများ၊ ဒေသခံပြည်သူများစုပေါင်း၍ (၇၉)နှစ်မြောက်အာဇာနည်နေ့ ဝမ်းနည်းခြင်းအထိမ်းအမှတ်အဖြစ် ဌာနဆိုင်ရာများ၊ စာသင်ကျောင်းများ၊ ရပ်ကွက်အုပ်ချုပ်ရေးမှူးရုံးများ၊ လွတ်လပ်ရေးကျောက်တိုင်နှင့်ခန်းမနေရာများတွင် ပြည်ထောင်စုသမ္မတမြန်မာနိုင်ငံတော်အလံအား တိုင်ဝက်လွှင်ထူခြင်း၊ မြို့ပေါ်ရပ်ကွက်ရှိ မြို့မလမ်းနှင့်မြိုင်လမ်းဆုံ၊ မြို့မလမ်း နှင့်ထင်းတန်းလမ်းဆုံနှင့် လူစည်ကားရာနေရာများ၌ ဥဩဆွဲဂုဏ်ပြုခြင်း၊ မော်တော်ယာဉ်များနှင့်ခရီးသွားပြည်သူများအား ခေတ္တရပ်နားအချက်ပေးဟွန်းတီးစေပြီး ဂါရဝငြိမ်သက်အလေးပြုခြင်းတို့ဖြင့် ဂုဏ်ပြုလှုပ်ရှားမှုများဆောင်ရွက်ခဲ့ကြကြောင်း သိရ သည်။
ဘာမီသာ(ပခုက္ကူ)
#MNP #News
No comments:
Post a Comment