ရန်ကုန်၊ ဇူလိုင် ၁၇
ရန်ကုန်တိုင်းဒေသကြီး၊ အင်းစိန်ခရိုင်၊ လှိုင်သာယာအနောက်ပိုင်းမြို့နယ်၊ ဗုဒ္ဓဘာသာကလျာဏယုဝအသင်း (YMBA) မှ (၁၆)ရပ်ကွက်၊ ဗိုလ်အောင်ကျော်လမ်း၊ BIO မျိုးဆန်းကိုယ်ပိုင်အထက်တန်းကျောင်းသို့ (၃၈)ဖြာမင်္ဂလာနှင့် ယဉ်ကျေးလိမ္မာသင်ကြားနိုင်ရေးအတွက် သင်ထောက်ကူပစ္စည်းများအား ပေးအပ်လှူဒါန်းခြင်းအခမ်းနားနှင့် ဘာသာစုံဂုဏ်ထူးရကျောင်းသားများအား ဆုခြင်းမြှင့်ခြင်းအခမ်းနားကို ညနေ (၃:၀၀)နာရီအချိန်တွင်အစီစဉ်(၈)ရပ်ဖြင့်ကျင်းပခဲ့သည်။
အခမ်းအနားကို နမောတဿ သုံးကြိမ်ရွတ်ဆိုပူဇော်ကန်တော့ဖွင့်လှစ်ပြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ တိုင်းဒေသကြီးလွှတ်တော်အမတ် ဦးမင်းမင်းမှ အဖွင့်အမှာစကားပြောကြားခြင်းနှင့် ဘာသာစုံဂုဏ်ထူးရကျောင်းသား မောင်လှထွန်း အားဂုဏ်ပြုဆုငွေ (၃)သိန်းကျပ်ပေးအပ်သည်။
ဆက်လက်၍ ရန်ကုန်တိုင်းတွဲဖက်အတွင်းရေးမှူး ဦးစိုးဝင်းမှ အသင်း၏ ရည်ရွယ်ချက်များနှင့် အဖွင့်အမှာစကားပြောကြားပြီး မြို့နယ်ဥက္ကဋ္ဌ ဦးအောင်ချစ်ကိုကိုမှ မိတ်ဆက်စကားပြောကြားခြင်းနှင့်သင်ထောက်ကူပစ္စည်းများပေးအပ်ခြင်း၊ ထန်းတပင်မြို့နယ် အတွင်းရေမှူး ဦးရန်လင်းအောင်မှ သင်ထောက်ကူပစ္စည်းများ လှူဒါန်းရခြင်းနှင့်(၃၈)ဖြာ ယဉ်ကျေးလိမ္မာ သင်ကြားနိုင်ရန် ဆရာ/မများနှင့် ဆွေးနွေးခဲ့ကြသည်။
တိုင်းတွဲဖက်အတွင်းရေးမှူးဦးစိုးဝင်းမှ လွှတ်တော်အမတ် ဦးမင်းမင်းထံ ဂုဏ်ပြုမှတ်တမ်းလွှာပေးအပ်ခဲ့ပြီး Bio မျိုးဆန်း ကိုယ်ပိုင်အထက်တန်းကျောင်း မှ ဆရာဦးမျိုးဆန်း မှ ကျေးဇူးတင်စကားပြောကြာကာ အခမ်းအနားအား ဗုဒ္ဓသာသနံ စိရံတိဋ္ဌတု သုံးကြိမ်ရွတ်ဆိုကာ ရုတ်သိမ်းခဲ့ကြောင်း သိရသည်။
#MNP #News
No comments:
Post a Comment