ဂန့်ဂေါ၊ ဩဂုတ် ၂၈
မကွေးတိုင်းဒေသကြီး၊ ဂန့်ဂေါမြို့၊ မြောက်ကုန်းရပ်ကွက်တွင် ဩဂုတ်လ(၂၃)ရက်နေ့နှင့် (၂၄) ရက် နေ့တို့တွင် မြစ်သာမြစ်ကမ်းပါးပြိုကျမှုကြောင့် ကမ်းပြိုဘေးသင့်ခဲ့သည့် အိမ်ခြေ(၂)လုံးနှင့် အိမ်ထောင်စု(၂)စု လူဦးရေ(၁၀)ဦးအတွက် ရန်ပုံငွေထောက်ပံ့ပေးအပ်မှုကို ယမန်နေ့နံနက်ပိုင်းက ကမ်းပြိုဘေးသင့်ပြည်သူများ ၏လက်ဝယ်အရောက် ထောက်ပံ့ပေးအပ်ခဲ့သည်။
ကမ်းပြိုဘေးသင့်ခဲ့သည့် အိမ်ထောင်စု(၂)စုတို့အတွက် ရန်ပုံငွေထောက်ပံ့ပေးအပ်မှုကို ဂန့်ဂေါခရိုင် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးသက်လွင်နှင့် တာဝန်ရှိသူများက ကမ်းပြိုဘေးသင့်ခဲ့သည့် ဦးခင်မောင်ရွှေနှင့် မိသားစု(၅)ဦးအတွက် ခရိုင်/မြို့နယ်သဘာဝဘေးအန္တရာယ်ဆိုင်ရာစီမံခန့်ခွဲမှုအဖွဲ့မှ ထောက်ပံ့ငွေကျပ်(၁၀၀၀၀၀/-)နှင့် ခရိုင်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ဆန်ရိက္ခာဖိုး ကျပ် (၂၅၀၀၀/-)နှင့် အိမ်ဆောက်ပစ္စည်းဖိုးကျပ် (၁၀၀၀၀၀/-)၊ စုစုပေါင်းကျပ်(၂၂၅၀၀၀/-)ကိုလည်းကောင်း၊ ကမ်းပြိုဘေးသင့်ခဲ့သည့် ဦးညွန့်ဝေနှင့်မိသားစု(၅)ဦးအတွက် ခရိုင်/မြို့နယ်သဘာဝဘေးအန္တရာယ်ဆိုင်ရာ စီမံခန့်ခွဲမှုအဖွဲ့မှ ထောက်ပံ့ငွေကျပ် (၁၀၀၀၀၀/-)၊ ခရိုင်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ဆန်ရိက္ခာဖိုးကျပ်(၂၅၀၀၀/-)နှင့် အိမ်ဆောက်ပစ္စည်းဖိုးကျပ်(၁၀၀၀၀၀/-)၊ စုစုပေါင်းကျပ်(၂၂၅၀၀၀/-)တို့ကို လည်းကောင်း ထောက်ပံ့ပေးအပ်ခဲ့ကာ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌမှ ကမ်းပြိုဘေးသင့် ခဲ့သည့် မိသားစုများနှင့်တွေ့ဆုံ၍ အားပေးစကားများပြောကြားကာ လိုအပ်သည်များကို တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးခဲ့သည်။
အဆိုပါ ရန်ပုံငွေထောက်ပံ့ပေးအပ်ရာသို့ ဂန့်ဂေါခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးသက်လွင်နှင့်အဖွဲ့ဝင်များ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီခေတ္တဥက္ကဋ္ဌ ဒေါယဉ်နွဲ့ဝင်းနှင့် အဖွဲ့ဝင်များ၊ ခရိုင်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဦးစီးမှူး ဦးရှိုင်းသူနှင့်ဝန်ထမ်းများ၊ မြို့နယ် မီးသတ်ဦးစီးမှူး ဦးဇော်ရဲနိုင်နှင့်တပ်ဖွဲ့ဝင်များ၊ မြို့နယ်အထွေထွေအုပ်ချုပ်ရေးဦးစီးဌာနမှဝန်ထမ်းများ၊ ကမ်းပြိုဘေးသင့်ခဲ့သည့် မိသားစုများ၊ ရပ်ကွက်အုပ်ချုပ်ရေးမှူးနှင့် တာဝန်ရှိသူများ တက်ရောက်ခဲ့ကြ ကြောင်း သိရသည်။
မောင်မျိုးမင်း
#News #Myanmar
No comments:
Post a Comment