ပါလက်စတိုင်းတွေရဲ့ အထိမ်းအမှတ် ကျောက်တိုင်ကို အစ္စရေး အမတ်တစ်ယောက်က သွားရောက် ရိုက်ခွဲ

ဩဂုတ် - ၂၆ ( ဗုဒ္ဓဟူးနေ့ ) 

အစ္စရေးရဲ့ လက်ယာစွန်း လွှတ်တော်အမတ်တစ်ဦးဟာ အင်္ဂါနေ့တုန်းက သိမ်းပိုက်ခံ အနောက်ဘက်ကမ်းခြေမှာ ရှိတဲ့ အစ္စရေး-ပါလက်စတိုင်း ပဋိပက္ခအတွင်း သေဆုံးသွားခဲ့တဲ့ ပါလက်စတိုင်းလူမျိုးတွေအတွက် စိုက်ထူထားတဲ့ အထိမ်းအမှတ်ကျောက်တိုင်ကို သွားရောက်ရိုက်ခွဲခဲ့ပါတယ်။ ဒီလိုပြုလုပ်ရာမှာ အစ္စရေးစစ်တပ် (IDF) ရဲ့ စောင့်ရှောက်မှုနဲ့အတူ သွားရောက်ခဲ့တာဖြစ်ပြီး၊ ဒီလုပ်ရပ်အပေါ် အစ္စရေးစစ်တပ်ကိုယ်တိုင်နဲ့ နိုင်ငံရေးသမားတွေက ပြင်းပြင်းထန်ထန် ပြစ်တင်ရှုတ်ချခဲ့ကြပါတယ်။

အစ္စရေး ဘဏ္ဍာရေးဝန်ကြီး ဘန်ဇလယ်စမိုထရစ်ချ် ရဲ့ လက်ယာစွန်း အမျိုးသားရေးဝါဒီ ပါတီဝင်တစ်ဦးဖြစ်သူ ဇာဗီဆက်ကော့ ကတော့ "ဂျူးလူမျိုးတွေကို သတ်ဖြတ်ခဲ့သူတွေကို ဂုဏ်ပြုထားတဲ့" အထိမ်းအမှတ်တိုင်ကို ဖယ်ရှားဖို့အတွက် အနောက်ဘက်ကမ်းခြေမှာရှိတဲ့ မာဒါနာ ကျေးရွာကို သွားခဲ့တာလို့ ပြောပါတယ်။

အွန်လိုင်းမှာ ပျံ့နှံ့နေတဲ့ ဗီဒီယိုထဲမှာတော့  ဆက်ကော့ နဲ့ အခြားအမျိုးသားတစ်ဦးတို့ဟာ အထိမ်းအမှတ်တိုင်ကို ပေါင်တူကြီးတွေနဲ့ ရိုက်ခွဲနေကြပြီး၊ အနီးအနားမှာတော့ အစ္စရေးစစ်သားတစ်ဦးက သေနတ်ကိုင်ဆောင်ကာ စောင့်ကြပ်ကြည့်ရှုပေးနေတာကို တွေ့ရပါတယ်။

RT သတင်းထောက်တစ်ဦး ရိုက်ကူးထားတဲ့ နောက်ဆက်တွဲ ဗီဒီယိုထဲမှာတော့ အထိမ်းအမှတ်တိုင် ဖျက်ဆီးခံထားရပြီး၊ ကျောက်အောက်ခြေ ပတ်လည်မှာရှိတဲ့ ကြွေပြားတွေလည်း အစိတ်စိတ်အမြွှာမြွှာ ရိုက်ခွဲခံထားရတာကို တွေ့ရပါတယ်လို့ တွေ့ရပါတယ်။ 

အစ္စရေးစစ်တပ် (IDF) ကတော့ ဆက်ကော့ ဟာ စစ်တပ်စောင့်ရှောက်မှုနဲ့ အနောက်ဘက်ကမ်းခြေမှာရှိတဲ့ "အထိမ်းအမှတ်တိုင်တွေကို လှည့်လည်ကြည့်ရှုဖို့" ခွင့်ပြုချက်တောင်းခဲ့တာ ဖြစ်ပေမဲ့၊ အမှန်တကယ်တော့ "လှည့်ဖျားပြုမူခဲ့တာ" ဖြစ်ပြီး ခွင့်ပြုချက်မယူဘဲ အထိမ်းအမှတ်တိုင်ကို သွားရောက်ဖျက်ဆီးခဲ့တာပါလို့ ပြောပါတယ်။

ဝန်ကြီးချုပ် ဘင်ဂျမင် နေတန်ယာဟုရဲ့ ရုံးအဖွဲ့ကလည်း "ဥပဒေကို မိမိသဘောအတိုင်း လက်လွတ်စပယ် ကျင့်သုံးတာဟာ၊ အထူးသဖြင့် အများပြည်သူဆိုင်ရာပစ္စည်းတွေကို ဖျက်စီးတာဟာ လက်ခံနိုင်စရာမရှိဘူး" လို့ အလေးပေးပြောဆိုခဲ့ပါတယ်။ ဒါပေမဲ့ ဒီထုတ်ပြန်ချက်ထဲမှာ ဆက်ကော့ ရဲ့ အမည်ကိုတော့ တိုက်ရိုက်ထည့်သွင်း ဖော်ပြခဲ့ခြင်း မရှိပါဘူး။

နေတန်ယာဟုရဲ့ အဓိက နိုင်ငံရေးပြိုင်ဘက် ဖြစ်သူ ဂါဒီအီဆန်ကော့ ကတော့ လွှတ်တော်အမတ်ရဲ့ ဒီလိုပြုလုပ်မှုဟာ "ရှက်စရာကောင်းတဲ့ ကိစ္စ" လို့ တုံ့ပြန်ပြောဆိုခဲ့ပါတယ်။ စစ်ဦးစီးချုပ်ဟောင်း ဖြစ်သူ အီဆန်ကော့ က "သူဟာ အစ္စရေးစစ်တပ် (IDF) နဲ့ တပ်မှူးတွေကို လိမ်လည်လှည့်ဖျားခဲ့တယ်၊ လုံခြုံရေးကို ထိခိုက်စေခဲ့တယ်၊ နောက်ပြီး အစ္စရေးတစ်နိုင်ငံလုံးရဲ့ သိက္ခာကိုပါ ညှိုးနွမ်းစေခဲ့တယ်" လို့ အိတ်စ် ဆိုရှယ်မီဒီယာ အကောင့်မှာ ရေးတင်ခဲ့ပါတယ်။ 

ဆက်ကော့ ပါဝင်တဲ့ လက်ယာစွန်း အမျိုးသားရေးဝါဒီ ရီပါဘလစ်ကန်/ဇီယွန်ဝါဒီ ပါတီဟာ သိမ်းပိုက်ခံ အနောက်ဘက်ကမ်းခြေမှာ ဂျူးအခြေချနေထိုင်မှုတွေ ပိုမိုပြုလုပ်ဖို့အတွက် အရှေ့ကနေ တက်တက်ကြွကြွ လှုံ့ဆော်နေတဲ့ ပါတီတစ်ခု ဖြစ်ပါတယ်။ ဒီလို အခြေချနေထိုင်မှုတွေကို ကုလသမဂ္ဂနဲ့ နိုင်ငံတကာအသိုင်းအဝိုင်း အများစုက နိုင်ငံတကာဥပဒေအရ တရားမဝင်ဘူးလို့ သတ်မှတ်ထားကြပါတယ်။

REF: RT

#Myanmar #News