ညောင်ဦး၊ စက်တင်ဘာ ၁
မန္တလေးတိုင်းဒေသကြီး ညောင်ဦးခရိုင်/မြို့နယ်မိခင်နှင့်ကလေးစောင့်ရှောက်မှုကြီးကြပ် ရေးအဖွဲ့နှင့်အမျိုးသမီးရေးရာအဖွဲ့က ဩဂုတ် ၃၁ ရက် မွန်းလွဲပိုင်းက သာသနာ့ရောင်ခြည် သီလရှင်စာသင်တိုက်သို့ ကျန်းမာရေးစောင့်ရှောက်မှုဆောင်ရွက်ပေးကာ ဆန်၊ ဆီ၊ ဆား၊ ပဲဝါ လေးများလှူဒါန်းခဲ့ကြောင်း သိရသည်။
ညောင်ဦးခရိုင် မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ဥက္ကဋ္ဌ ဒေါ်နီလာဟိန်း ဦးဆောင်သောအဖွဲ့သည် ခရိုင်/မြို့နယ်မိခင်နှင့်ကလေးစောင့်ရှောက်ရေးအဖွဲ့ဝင်များ၊ ခရိုင်/မြို့နယ်အမျိုးသမီးရေးရာအဖွဲ့ဝင်များနှင့် ခရိုင်တိုင်းရင်းဆေးပညာဦးစီးဌာန၊ ခရိုင်တိုင်းရင်းဆေးမှူး ဦးတင်စိုး ဦးဆောင်သောဝန်ထမ်းများသည် သာသနာ့ရောင်ခြည်သီလရှင်စာသင်တိုက်ရှိ သီလရှင်များအား ကျန်းမာရေးစောင့်ရှောက်မှုပေးကာ ဆွမ်းဆန်၊ ဆီ၊ ဆား၊ ပဲဝါလေးများနှင့် နဝကမ္မအလှူငွေများ လှူဒါန်းခဲ့ကြောင်း သိရသည်။
ဒီပါလင်း
#News #Myanmar
No comments:
Post a Comment