တနင်္သာရီ၊ စက်တင်ဘာ ၁
တနင်္သာရီတိုင်းဒေသကြီး မြိတ်ခရိုင် တနင်္သာရီမြို့နယ်အတွင်း မိုးသည်းထန်စွာရွာသွန်းပြီး တနင်္သာရီမြစ်ရေမြင့်တက်လာမှုကြောင့် မြို့နယ်အတွင်းရှိ မြေနိမ့်ပိုင်းကျေးရွာများနှင့် ရပ်ကွက်အချို့တွင် ရေဝင်ရောက်လျက်ရှိပြီး အခြေခံပညာကျောင်း ၁၇ ကျောင်းကို ယနေ့နံနက်ပိုင်းကစတင်၍ ယာယီပိတ်ထားရကြောင်း သိရသည်။
ထို့နောက် ကျောင်းသား၊ ကျောင်းသူများ ဘေးအန္တရာယ်ကင်းရှင်းရေးနှင့် ပညာသင်ကြားရေးအဆင်ပြေစေရေးအတွက် ရေဝင်ရောက်မှုရှိသည့် အထက-ညောင်ပင်ကွင်း၊ အလက-လယ်တောင်ယာ၊ မူလွန်မော်တုန်းအရှေ့၊ မူလွန်-ဘန်းသဲ၊ အမက-အောက်ကင်းအရှေ့၊ အမက-တပ်ဦး၊ အမက-ကျောက်မီးကျောင်း၊ အမက-ထုံနွယ်၊ အမက-မြေမအုံ၊ အမက-မြန်မာအင်းတော်၊ အမက-ကြိမ်ချောင်းဝ၊ အထက-တနင်္သာရီ၊ အထက-မော်တုန်း၊ အထက (ခွဲ)ဇဝဲ၊ မူလွန်-ကတော့ကမ်း၊ အမက-ဇလုံး၊ အမက(ခွဲ) ဗောဒိကမ်း စသည့်အခြေခံပညာကျောင်း ၁၇ ကျောင်းကို ယာယီပိတ်ထားရခြင်းဖြစ်ကြောင်း သိရသည်။
တာဝန်ရှိသူများအနေဖြင့် မိုးရွာသွန်းမှုနှင့်မြစ်ရေမြင့်တက်မှုအခြေအနေများကို ဆက်လက်စောင့်ကြည့်လျက်ရှိပြီး ရေဘေးအန္တရာယ်ဖြစ်ပေါ်လာပါက အချိန်နှင့်တစ်ပြေးညီ ကူညီကယ်ဆယ်ရေးလုပ်ငန်းများဆောင်ရွက်နိုင်ရေး ကြိုတင်ပြင်ဆင်ထားရှိကြောင်း သိရသည်။
#News #Myanmar
No comments:
Post a Comment