ကျိုက်မရောမြို့၌ အသက် ၁၈ နှစ်နှင့်အထက် ပြည်သူများအား ကိုဗစ်-၁၉ကာကွယ်ဆေး ဆက်လက် ထိုးနှံပေးလျက်ရှိ

ကျိုက်မရော၊ အောက်တိုဘာ  ၃၁

မွန်ပြည်နယ်၊ ကျိုက်မရောမြို့၌ ကိုဗစ်-၁၉ရောဂါ  ကာကွယ်ဆေးများကို စဉ်ဆက်မပြတ် ထိုးနှံပေးလျက်ရှိရာ ဆဌမအသုတ် (ပထမအကြိမ်)ကို  ကျိုက်မရောမြို့ အတ္တရံခန်းမ၌ ယနေ့ နံနက် ၈ နာရီက စည်းကမ်းချက်များနှင့်အညီ  ကျန်းမာရေး ဝန်ထမ်းများနှင့်  ကြက်ခြေနီ တပ်ဖွဲ့ဝင်များက ဆက်လက် ထိုးနှံပေးလျက်ရှိကြောင်း သိရသည်။

အဆိုပါကာကွယ်ဆေး ထိုးနှံပေးသည့်စုရပ်များသို့   မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် တာဝန်ရှိသူများက ကွင်းဆင်းကြည့်ရှု၍ လိုအပ်သည်များ ပံ့ပိုးကူညီ ဆောင်ရွက်ပေးသည်။

ကျိုက်မရော မြို့နယ်၌ဆဌမအသုတ် ကိုဗစ်-၁၉  ကာကွယ်ဆေးကို အသက် ၁၈ နှစ်နှင့်  အထက် ပြည်သူများ၊  ဌာနဆိုင်ရာ မိသားဝင်များ ကာကွယ်ဆေးတစ်ကြိမ်မှ  မထိုးနှံရသေးသူများ၊ ရွှေ့ပြောင်းလုပ်သားမိသားစုများ၊ လက်ဖက်ရည်ဆိုင်၊    စားသောက် ဆိုင်များမှ   အလုပ်သမားများ၊ ဈေးသည်များနှင့်  ပုဂ္ဂလိက ဘဏ်များမှ   ဝန်ထမ်းများအား ဦးတည်အုပ်စုများအလိုက်   နေ့စဉ်ထိုးနှံပေးလျက်ရှိရာ     ယနေ့ထိ ကိုဗစ်-၁၉ကာကွယ် ဆေးလာရောက် ထိုးနှံပြီးသူ  ၈၆၁၃၀ ဦးရှိပြီးဖြစ်ကြောင်းနှင့် ကျန်ရှိနေသူများ ကိုလည်း ဆက်လက် ထိုးနှံပေးသွားမည်ဖြစ်ကြောင်း   မြို့နယ်ကိုဗစ်-၁၉ရောဂါ ကာကွယ်ထိန်းချုပ်    ကုသရေး လုပ်ငန်းကော်မတီထံမှ သိရသည်။

သတင်း - ချိုမြတ်မြတ်ထွေး  

https://t.me/MyanmarNationalPost

www.mnpnewsagency.com