တုံတာ၊ နိုဝင်ဘာ ၂၅
ရှမ်းပြည်နယ်(အရှေ့ပိုင်း)၊ ကျိုင်းတုံခရိုင်၊ တုံတာမြို့တွင် အသက်(၁၂)နှစ်နှင့်အထက် ကျောင်းသား၊ ကျောင်းသူများအား ကိုဗစ်-၁၉ရောဂါ ကာကွယ်ဆေး (Sinovac) ကို ယနေ့ နံနက် ၉ နာရီ အချိန်က တုံတာမြို့ ရပ်ကွက်-၃ ရှိ အခြခံပညာအလယ်တန်းကျောင်းတွင် ဒုတိယအကြိမ်ထိုးနှံပေးလျက်ရှိသည်။
ထိုသို့ထိုးနှံပေးရာတွင် သက်ဆိုင်ရာ အခြေခံပညာကျောင်းများမှ တာဝန်ရှိသူများ၊ ကျန်းမာရေးဦးစီးဌာနမှ တာဝန်ရှိသူများက ကာကွယ် ဆေးမထိုးနှံမီ ကိုယ်အပူချိန်တိုင်းတာပေးခြင်း၊ သွေးပေါင်ချိန် တိုင်းတာပေးခြင်း နှင့် သွေးတွင်းအောက်ဆီဂျင်ပါဝင်မှု တိုင်းတာပေးခြင်းတို့ကို ဆောင်ရွက်ပေးပြီး ပုံမှန်အနေအထားရှိမှသာ ကာကွယ်ဆေးကို ကျန်းမာရေးဝန်ကြီးဌာနမှ ထုတ်ပြန်ထားသော ညွှန်ကြားချက်များနှင့်အညီ ထိုးနှံပေးခဲ့ကြောင်းနှင့် အသက်(၁၂)နှစ် အထက် ကျောင်းသား/ကျောင်းသူ ဦးရေ စုစုပေါင်း (၇၅)ဦး ထိုးနှံပေးခဲ့ကြောင်း သိရသည်။
သတင်း - လှိုင်လှိုင်ငြိမ်း
https://t.me/MyanmarNationalPost
www.mnpnewsagency.com
No comments:
Post a Comment