အောင်လံမြို့နယ်၌ ၂၀၂၁-၂၀၂၂ ဘဏ္ဍာရေးနှစ် ပထမ(၃)လပတ်အတွက် အသက်(၈၅)အထက် သက်ကြီးရွယ်အို ဘိုးဘွားများအား လူမှုရေးပင်စင်ပေးအပ်

MNP - ဇန်နဝါရီ    ၂၆

မကွေးတိုင်းဒေသကြီး သရက်ခရိုင် အောင်လံမြို့နယ်၌ ၂၀၂၁-၂၀၂၂ ဘဏ္ဍာရေးနှစ် ပထမ(၃)လ ပတ်အတွက် အသက်(၈၅)အထက် သက်ကြီးရွယ်အို ဘိုးဘွားများအား လူမှုရေးပင်စင်ပေးအပ်ပွဲကို ယနေ့နံနက် (၁၀)နာရီက အထွေထွေအုပ်ချုပ်ရေးဦးစီးဌာ အစည်းအဝေးခန်းမတွင် ပြုလုပ်ခဲ့သည်။

အခမ်းအနားတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးကျော်နိုင်က အဖွင့်အမှာစကားပြောကြားပြီး မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ နှင့်အဖွဲ့ဝင်များ၊ မြို့နယ်အမျိုးသမီးရေးရာအသင်း၊ မြို့နယ်မိခင်နှင့် ကလေးစောင့်ရှောက်ရေးအသင်းတို့မှ တာဝန်ရှိသူများကပေးအပ်ခဲ့သည်။ ၂၀၂၁-၂၀၂၂ ဘဏ္ဍာရေးနှစ် ပထမ(၃)လပတ်အတွက် အသက်(၈၅)အထက် သက်ကြီးရွယ်အို ဘိုးဘွား(၁၄၅၈)ဦးအား တစ်ဦးလျှင် ၃၀၀၀၀/- နှုန်းဖြင့် စုစုပေါင်း ငွေကျပ်(၄၃၇၄၀၀၀၀/-)(ကျပ်လေးရာသုံးဆယ့်ခုနှစ်သိန်းလေးသောင်းတိတိ)အား ထောက်ပံ့ပေးအပ်ခဲ့ကြောင်း သိရသည်။           

သတင်း - မျိုးသိန်း

https://t.me/MyanmarNationalPost

www.mnpnewsagency.com