MNP - ဇန်နဝါရီ ၁၁
မွန်ပြည်နယ်၊ မော်လမြိုင်ခရိုင်၊ မုဒုံမြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ ၂၀၂၁-၂၀၂၂ခု (၆)လကဏ္ဍရေး နှစ်တွင် ပြည်ထောင်စုရန်ပုံငွေကျပ်သိန်း(၄၀၀)နှင့် ပြည်သူ ထည့်ဝင်ငွေသိန်း(၄၀) စုစုပေါင်းသိန်း(၄၄၀)ဖြင့် ကျေးရွာ လေးရွာ၌ လမ်းခင်းခြင်း လုပ်ငန်းများ အကောင်ထည်ဖော် ဆောင်ရွက်သည်။
မုဒုံမြို့နယ် ပိုင်ကမာကျေးရွာတွင် မြဟေမာလမ်း (၅၀၈ ပေ × ၁၂ ပေ × ၇ လက်မ) ကတ္တရာလမ်းခင်းခြင်း လုပ်ငန်း၊ ဝက်တဲကျေးရွာ ရှင်စောပုလမ်း (၆၀၅ ပေ × ၁၀ ပေ × ၇ လက်မ) ကတ္တရာလမ်းခင်းခြင်းလုပ်ငန်း၊ ညောင်ဝိုင်းကျေးရွာ၊ ကျေးရွာအနောက်ပိုင်လမ်း (၅၃၅ ပေ× ၁၂ ပေ× ၆ လက်မ) ကွန်ကရစ်လမ်းခင်းခြင်းလုပ်ငန်း၊ ကွမ်လှာရွာသစ်ကျေးရွာ မဂ္ဂဒူ(၂)လမ်း (၅၁၀ ပေ× ၁၂ ပေ× ၆ လက်မ) ကွန်ကရစ်လမ်းခင်းခြင်း လုပ်ငန်းများအား ၂၀၂၁ ခုနှစ်၊ ဒီဇင်ဘာလမှ စတင်၍ အကောင်အထည်ဖော် ဆောင်ရွက်ကာ ယခုအခါ ကျေးရွာလေးရွာတွင် ၁၀၀ ရာခိုင်နှုန်း ဆောင်ရွက်ပြီးစီးနေပြီး ဖြစ်ကြောင်း မုဒုံမြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ သိရသည်။
သတင်း - အောင်မျိုးသူ
https://t.me/MyanmarNationalPost
www.mnpnewsagency.com
No comments:
Post a Comment