MNP - ဖေဖော်ဝါရီ ၁
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်တွင် ၂၀၂၁- ၂၀၂၂ ဘဏ္ဍာရေးနှစ် ငွေလုံးငွေရင်း ခွင့်ပြုရန်ပုံငွေဖြင့် ဆောင်ရွက်ခဲ့သည့် ဒေသဖွံ့ဖြိုးရေးလုပ်ငန်းများအား ယမန်နေ့ နံနက်ပိုင်းက ကွင်းဆင်းကြည့်ရှုခဲ့ကြသည်။
ထိုသို့ကွင်းဆင်းကြည့်ရှုစစ်ဆေးရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်ထွန်း၊ မြို့နယ် စည်ပင်သာယာရေးဌာန အမှုဆောင်အရာ ဦးမောင်မောင်မြင့်နှင့် တာဝန်ရှိသူများက ၂၀၂၁-၂၀၂၂ ဘဏ္ဍာရေးနှစ် ငွေလုံးငွေရင်းခွင့်ပြုရန်ပုံငွေ ငွေကျပ်(၂၀.၇၅)သန်းဖြင့် ထွန်းလှမင်းသစ္စာကုမ္မဏီမှ ဆောင်ရွက်သည့် အလျား (၁၀၀၀)ပေ၊ အနံ(၁၂)ပေရှိ နောင်ဗိုလမ်းသွယ်(၂)ကတ္တရာလမ်းခင်းခြင်း ပြီးစီးမှု အခြေအနေများကို လည်းကောင်း၊ ၂၀၂၁- ၂၀၂၂ ဘဏ္ဍာရေးနှစ် သာမန်အသုံးစရိတ်ခွင့်ပြု ရန်ပုံငွေ ငွေကျပ်(၃၅)သိန်းဖြင့် ဖြင့်ဆောင်ရွက်သည် အလျား(၁၃)ပေ၊ အနံ(၇)ပေ၊ အမြင့်(၁၄)ပေရှိ ဟိုပုံး-ဆီဆိုင်သွားလမ်းဘေးရှိ မြို့အဝင်ဆိုင်းဘုတ် ဆောင်ရွက်ပြီးစီးမှု အခြေအနေများကိုလည်း ကောင်း၊ မြို့ဦးရပ်ကွက် ကိုယ့်အားကိုယ်ကိုး ဆောင်ရွက်သည့် တမာလမ်းကွန်ကရစ်တံတားဆောက် လုပ်နေမှု အခြေအနေတို့ကို ကွင်းဆင်းကြည့်ရှု စစ်ဆေးခဲ့ကြပြီး လိုအပ်သည်များ ပေါင်းစပ်ညှိနှိုင်းပေးခဲ့ ကြောင်း သိရသည်။
https://t.me/MyanmarNationalPost
www.mnpnewsagency.com
No comments:
Post a Comment