MNP ၊ ဖေဖော်ဝါရီ ၈
ရခိုင်ပြည်နယ် မောင်တောမြို့နယ်၌ ဖေဖော်ဝါရီ ၇ ရက်နေ့ နေ့လယ်(၁၃:၂၀)အချိန်က ကြက်ရိုးပြင် ကျေးရွာ အုပ်စု ၊ ကြက်ရိုးပြင်(ရွာမ)ကျေးရွာရှိ နေအိမ်(၁)လုံး မီးကြွင်းမီးကျန်မှ တဆင့် မီးလောင်မှုဖြစ်ပွား မီးလောင်မှု ဖြစ်ပွား ခဲ့ ကြောင်း သိရသည်။
ဖြစ်စဉ်မှာ မောင်တောမြို့၊ ကြက်ရိုးပြင် ကျေးရွာ အုပ်စု ၊ ကြက်ရိုးပြင်(ရွာမ)ကျေးရွာနေ ပိုင်ရှင် ဦးမာမတ်တာဟဲ အသက်(၂၆)နှစ် ၊(ဘ) ဦးဆွေယောက်တာဟဲ၏ နေအိမ်တစ်လုံး မီးလောင်မှုဖြစ်ပွားခဲ့ရာ ကျေးရွာနေပြည်သူများမှ အနီးရှိ ရေတွင်းရေကန် မှ ရေဖြင့် ဝိုင်းဝန်းမီးငြိမ်းသတ်ခဲ့သဖြင့် နေ့လယ်(၁၃:၅၀)အချိန် မီးလုံးဝငြိမ်းသတ် နိုင်ခဲ့ကြောင်းသိရ သည်။
အဆိုပါ မီးလောင်ရ သည့် အကြောင်းအရင်းမှာ နေအိမ်၏ မီးဖိုချောင်ရှိ မီးကြွင်း၊ မီးကျန် မှ တဆင့် မီးစတင် လောင် ကျွမ်းခဲ့ပြီး အလျား ၁၈ ပေ ၊ အနံ ၁၂ ပေ ၊ အမြင့် ၁၀ ပေရှိ (ဓနိမိုး ၊ ဝါးထရံကာ ၊ မြေ ခင်း) လူနေအိမ်(၁)လုံး မီးလောင် ဆုံးရှုံးခဲ့ရာ မီးလောင်မှု နှင့်ပတ်သတ်၍ နေအိမ်ပိုင်ရှင် ဦးမာမတ်တာဟဲ အသက်(၂၆) နှစ် ၊ (ဘ) ဦးဆွေယောက် တာ ဟဲအား ငါးခူရနယ်မြေစခန်းတွင် (ပ)၁၀/၂၀၂၂ ၊ ပုဒ်မ(၂၈၅)ဖြင့် အမှုဖွင့်လှစ်ကာ အရေး ယူနိုင်ရေး စီစဉ် ဆောင်ရွက်လျက်ရှိကြောင်း မြို့နယ်မီးသတ်ဦးစီးဌာနမှ သိရသည်။
သတင်း - သက်လွင်စိုး
https://t.me/MyanmarNationalPost
www.mnpnewsagency.com
No comments:
Post a Comment