MNP ၊ ဖေဖော်ဝါရီ ၁၄
ရခိုင်ပြည်နယ်၊ မောင်တောမြို့၌ ပြည်သူများအား သတ္တမအသုတ် ၊ ပထမအကြိမ်အဖြစ် ကိုဗစ်-၁၉ ရောဂါ ကာ ကွယ်ဆေး Covaxin ထိုးနှံပေးပေးခြင်းကို ဖေဖော်ဝါရီ ၁၃ ရက် နံနက် ၉ နာရီ အချိန် သတ်မှတ်စုရပ်နေရာများ တွင် ဆက်လက် ထိုးနှံပေးလျက်ရှိကြောင်းသိရသည်။
ထိုသို့ ဆောင်ရွက်ပေးရာတွင် မြို့နယ်ကုသရေးဦးစီးမှူး ဦးဆောင်ကြီးကြပ်ပြီး ကျန်းမာရေး ဝန်ထမ်း များက ကာ ကွယ် ဆေး ထိုးနှံခြင်းမပြုမီ စာရင်းများ မှတ်ယူခြင်း ၊ လာရောက် ထိုးနှံသည့် သူများအား ကိုယ်အပူချိန်တိုင်းတာခြင်း၊ သွေးပေါင်ချိန် တိုင်းတာပေးခြင်း၊ သွေးတွင်းအောက်စီဂျင် ပမာဏ တိုင်းတာခြင်း၊ ကျန်းမာရေးစစ်ဆေးခြင်းများကို ဆောင်ရွက်ပေးကာ ပုံမှန် အခြေအနေရှိမှသာ စနစ်တကျ ကာကွယ်ဆေး ထိုးနှံပေးပြီး ထိုးနှံပြီးသည့် သူများကို မိနစ် ၃၀ ခန့်အနား ယူစေသည်။
အဆိုပါ ကာကွယ်ဆေးထိုးနှံပေးရာတွင် သတ္တမအသုတ် ၊ ပထမအကြိမ်အဖြစ် အခြားဝင်ငွေရှိသော လုပ်ငန်းလုပ်ကိုင်သူ ၃၁၂ ဦး ၊ မှီခိုသူ ၃၅၈ ဦး စုစုပေါင်း ၆၇၀ ဦးအား ကျန်းမာရေးဝန်ကြီးဌာန၏ လမ်းညွှန်ချက်များ နှင့် အညီ ထိုးနှံပေးခဲ့ပြီး ကျန်ရှိ သူများကိုလည်း ဆက် လက်ထိုးနှံပေးမည် ဖြစ်ကြောင်း သိရ သည်။
သတင်း - သက်လွင်စိုး
မြန်မာနေရှင်နယ်ပို့စ်
No comments:
Post a Comment