MNP - မတ် ၅
ရှမ်းပြည်နယ်(တောင်ပိုင်း)၊ တောင်ကြီးမြို့၊ ညောင်ဖြူစခန်းရပ်၊ နယ်မြေ(၁၂)၊ ညောင်ပင်သာလမ်းတွင် ယနေ့ ည ၇ နာရီအချိန်ခန့်က မီးလောင်မှုဖြစ်ပွားခဲ့ကြောင်းသိရသည်။ နေအိမ်အိပ်ခန်းတွင် လူမရှိဘဲ ဖုန်းအားသွင်းရာမှ အပူလွန်ကဲပြီး မီးစတင်လောင်ကျွမ်းခဲ့ခြင်း ဖြစ်သည်။
မီးလောင်မှုဖြစ်ပွားရာသို့ ပြည်နယ် မီးသတ်ဦးစီးဌာန ဒုတိယပြည်နယ်မှူး ဦးထွန်းထွန်းစိုး ဦးဆောင်သော ခရိုင်၊ မြို့နယ် သန္ဓေ၊ အရန် မီးသတ်တပ်ဖွဲ့ဝင် ၇၀ ဦး၊ မီးသတ်ယာဉ်နှင့် ရေသယ်ယာဉ် ၈ စီးသွားရောက်ခဲ့ပြီး ရဲတပ်ဖွဲ့ဝင်များ၊ ကြက်ခြေနီတပ်ဖွဲ့ဝင်များနှင့် ပြည်သူများ ဝိုင်းဝန်းမီးငြှိမ်းသတ်ခဲ့သည်။
အဆိုပါမီးလောင်မှုကြောင့် လူနေအိမ်တစ်လုံးဆုံးရှုံးခဲ့ကြောင်းနှင့် လူနှင့် တိရစ္ဆာန်ထိခိုက် သေဆုံးမှုမရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment