MNP - မတ် ၁၄
မန္တလေးတိုင်းဒေသကြီး၊ ကျောက်ဆည်မြို့နယ်တွင် အသက်(၁၈)အထက်ပြည်သူများ ကိုဗစ်-၁၉ ရောဂါ ကာကွယ်ဆေး ရာနှုန်း ပြည့်ထိုးနှံပြီးစီးရေး မြို့နယ်ကိုဗစ်-၁၉ ရောဂါထိန်းချုပ်ရေးနှင့် အရေးပေါ် တုံ့ပြန်ရေးကော်မတီ ဦးဆောင်ပြီး ယနေ့နံနက်(၈) နာရီက ပြည်ပန်းဂိတ်၊ ဖျောက်ဆိပ်ပင်ဂိတ်၊ လက်ပန်ကျေးရွာဂိတ်၊ တံစိုးကျေးရွာဂိတ်နှင့် ရွှေဂူကြီးကျေးရွာဂိတ်များတွင် စစ်ဆေးလျက်ရှိပြီး ကာကွယ်များ ရာနှုန်းပြည့်ထိုးနှံရေး ဆောင်ရွက်လျက်ရှိကြောင်း သိရှိရသည်။
စစ်ဆေးရာတွင် ကိုဗစ်-၁၉ ရောဂါကာကွယ်ဆေး ထိုးပြီး/မပြီး ကာကွယ်ဆေးထိုးနှံပြီးကြောင်း လက်မှတ်များ စစ်ဆေးခြင်းနှင့် မထိုးနှံရသေးသူများအား ကျောက်ဆည်မြို့၊ စုကြီးထန်းတောရပ်ကွက်၊ မြို့တော်ခန်းမတွင် ကာကွယ်ဆေးများ ချက်ချင်းသွား ရောက်ထိုးနှံကြရန်နှင့် ကာကွယ်ဆေးထိုးနှံပြီး၍ ခြောက်လပြည့်ပါက ထပ်ဆောင်းကာကွယ်ဆေးများ ထပ်မံထိုးနှံရေး ဆောင်ရွက်လျက်ရှိကြောင်း သိရှိရသည်။
ကျောက်ဆည်မြို့နယ်တွင် ရပ်ကွက်/ကျေးရွာအုပ်စုပေါင်း(၉၇)အုပ်စု၊ ကျေးရွာပေါင်း (၂၁၇)ရွာ ရှိကြောင်းနှင့် ကိုဗစ်-၁၉ ရောဂါကာကွယ်ဆေးများထိုးနှံရာတွင် ပြည်သူများအခက်အခဲ မရှိစေရေး အတွက် မင်းစု၊ သံရွာ၊ မင်းစု၊ ရဲရွာ၊ ဖျောက်ဆိပ်ပင်၊ ဒွေးလှ ကျေးလက်ကျန်းမာရေးဌာနခွဲ လက်အောက်ရှိ တိုက်နယ်ဆေးရုံများနှင့် စုကြီးထန်းတောရပ်ကွက် မြို့တော်ခန်းမတွင် ကာကွယ်ဆေးများ ထိုးနှံပေးခဲ့ရာ ပြည်သူ(၂၁၅၇၁၈)ဦး ထိုးနှံပေးပြီးဖြစ်ကြောင်း မြို့နယ်ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီမှ သိရှိရသည်။
သတင်း - သက်မောင်
မြန်မာနေရှင်နယ်ပို့စ်
No comments:
Post a Comment