MNP ၊ မတ် ၃၁
မြန်မာနိုင်ငံတစ်ဝှမ်းတွင် ၂၀၂၂ ခုနှစ်၊ တက္ကသိုလ်ဝင်တန်းစာမေးပွဲကို ယနေ့၊ နံနက်(၉)နာရီမှစတင်ကာ တစ်ပြိုင်နက်တည်းကျင်းပလျက်ရှိရာ ရခိုင်ပြည်နယ်၊ ပေါက်တောမြို့နယ်၌ စာစစ်ဌာန(၇)ခု ဖွင့်လှစ်ပြီး ကျောင်းသား၊ ကျောင်းသူများအေးချမ်းစွာဖြင့် ဝင်ရောက်ဖြေဆိုလျက်ရှိကြောင်းသိရသည်။
ပေါက်တောမြို့နယ်၌ တက္ကသိုလ်ဝင်တန်းစာမေးပွဲကို ကျောင်းသား၊ ကျောင်းသူများ စိတ်အေးချမ်းသာစွာ ဝင်ရောက်ဖြေဆိုနိုင်ရေးအတွက် မြို့နယ်စီမံအုပ်ချုပ်ရေးအဖွဲ့မှကြီးကြပ်၍ ဌာနဆိုင်ရာများ၊ ကြက်ခြေနီတပ်ဖွဲ့ဝင်များ၊ ရပ်ကွက်/ကျေးရွာအုပ်ချုပ်ရေးမှူးများက ဝိုင်းဝန်းကူညီဆောင်ရွက်ပေးလျက်ရှိပြီး၊ မြန်မာနိုင်ငံရဲတပ်ဖွဲ့မှ နယ်မြေလုံခြုံရေးလုပ်ငန်းများ ဆောင်ရွက်ပေးလျက်ရှိသည်။
ပေါက်တောမြို့နယ်တွင် စာစစ်ဌာန(၇)ခုတွင်ဖြေဆိုရန် စာရင်းပေးထားသူ ကျောင်းသား(၁၀၀၇)ဦး၊ကျောင်းသူ(၁၁၇၁)ဦး စုစုပေါင်း(၂၁၇၈)ဦးရှိပြီး၊ ယနေ့ မြန်မာစာဘာသာရပ်အား ဖြေဆိုသူ ကျောင်းသား(၉၃၃)ဦး၊ ကျောင်းသူ(၁၁၁၄)ဦး စုစုပေါင်း (၂၀၄၇)ဦး၊ ပျက်ကွက်ကျောင်းသား(၇၄)ဦး၊ ကျောင်းသူ(၅၇)ဦး၊ စုစုပေါင်း (၁၃၁)ဦးရှိရာ ဖြေဆိုရာခိုင်နှုန်းအနေဖြင့် (၉၃.၉၉) ရာခိုင်နှုန်းဖြင့် အေးချမ်းစွာဖြင့် ဝင်ရောက်ဖြေဆိုလျက် ရှိကြောင်းသိရသည်။
https://t.me/MyanmarNationalPost
No comments:
Post a Comment