MNP - မတ် ၃
ရခိုင်ပြည်နယ်၊ ပုဏ္ဏားကျွန်းမြို့နယ်အတွင်းရှိ ကိုဗစ်-၁၉ ကာကွယ်ဆေး(၂)ကြိမ် ထိုးနှံပြီးစီးခဲ့သူများအား ထပ်ဆောင်း ကိုဗစ်-၁၉ ကာကွယ်ဆေး Booster Dose ဆက်လက်ထိုးနှံခြင်းကို ယနေ့ နံနက်(၉)နာရီမှ ညနေ(၄)နာရီထိ ပုဏ္ဏားကျွန်းမြို့ လောကမာရဇိန် ဘုရားကြီး သိမ်တော်၌ ဆက်လက် ထိုးနှံပေးလျက်ရှိသည်။
ထိုသို့ ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ဥက္က ဦးဇော်သိန်းနှင့်အဖွဲ့ဝင်များ ဦးဆောင်ကြီးကြပ်ပြီး၊ မြို့နယ် ဆရာဝန်ကြီး ဒေါက်တာ အောင်စစ်ထွန်း ဦးဆောင်သော ကျန်းမာရေး ဝန်ထမ်းများက ကာကွယ်ဆေးထိုးနှံခြင်းမပြုမီ စာရင်းများ ကောက်ယူခြင်း၊ ကိုယ်အပူချိန်တိုင်းတာခြင်း၊ သွေးပေါင်ချိန်တိုင်းတာခြင်းနှင့် သွေးတွင်းအောက်ဆီဂျင်ပမာဏ တိုင်းတာခြင်း စသည့် ကျန်းမာရေးစစ်ဆေးခြင်းများ ဆောင်ရွက်ကာ ပုံမှန်အခြေအနေ ရှိသူများအား ကာကွယ်ဆေးထိုးနှံပေးခဲ့သည်။
အဆိုပါ ထပ်ဆောင်း ကိုဗစ်-၁၉ ကာကွယ်ဆေး Booster Dose ထိုးနှံခြင်းကို ဌာနဆိုင်ရာဝန်ထမ်း စုစုပေါင်း ၄၇၅၀ ဦးတို့အား ထိုးနှံပြီးစီးခဲ့ပြီး၊ ပုဏ္ဏားကျွန်း မြို့နယ်အတွင်းရှိ ကိုဗစ်ကာကွယ်ဆေး(၂)ကြိမ်ဆက်တိုက်ထိုးနှံပြီးသူများကို ကျန်းမာရေး ဝန်ကြီးဌာန၏ ညွှန်ကြားချက်များနှင့်အညီ ဆက်လက် ထိုးနှံပေးလျက်ရှိကြောင်း သိရသည်။
သတင်း - နီထွန်းအောင်
မြန်မာနေရှင်နယ်ပို့စ်
No comments:
Post a Comment