MNP ၊ မတ် ၁၃
ကလေးငယ်များ၏ စဉ်းစားတွေးခေါ်မှု ဉာဏ်ရည်ဉာဏ်သွေးမြင့်မားလာစေပြီး ပူးပေါင်းဆောင်ရွက် တတ်သော အလေ့အကျင့်များရရှိစေရန်ရည်ရွယ်၍ သံတွဲခရိုင်ပြန်ကြားရေးနှင့်ပြည်သူ့ဆက်ဆံရေးဦးစီး ဌာနမှ ကြီးမှူးကျင်းပသည့်ကာယဉာဏစွမ်းရည်ပြိုင်ပွဲအဖြစ် အရုပ်ခေါက်ပြိုင်ပွဲနှင့်ဘူးပေါင်းဖေါက်ပြိုင်ပွဲ များကို ယနေ့နံနက် ၁၀ နာရီက သံတွဲခရိုင် လူထုအခြေပြုဗဟိုဌာန( Community Centre ) ဘက်စုံသုံးခန်းမ၌ ကျင်းပပြုလုပ်ခဲ့သည်။
ရှေးဦးစွာ သံတွဲခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဒေါ်စန္ဒာကြည်က ကလေးငယ်များအတွက် ပြိုင်ပွဲကျင်းပရခြင်း၏ ရည်ရွယ်ချက်များနှင့် ပြိုင်ပွဲစည်းမျည်း စည်းကမ်းများကို ရှင်းလင်းပြောကြားသည်။
ထို့နောက်အရုပ်ခေါက်ပြိုင်ပွဲနှင့်ပူးပေါင်းဖေါက်ပြိုင်ပွဲများကိုကျင်းပပြုလုပ်ကြရာမူလတန်းအထက်ဆင့် ကျောင်းသား၊ ကျောင်းသူ ၂၀ ဦးလာရောက် ယှဉ်ပြိုင် ကြပြီးဆုရရှိသူများကို ဒုတိယဦးစီးမှူးဒေါ်မေမွန်ထွဋ် ကဆုများချီးမြှင့်ပေးခဲ့သည်။
သတင်း - သန့်ဇင်
https://t.me/MyanmarNationalPost
No comments:
Post a Comment