MNP - ဧပြီ ၄
ဧရာဝတီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့နယ်တွင် (၇၅)နှစ်မြောက် စိန်ရတုပြည်ထောင်စုနေ့ အထိမ်းအမှတ် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဖလား အသက်(၂၃)နှစ်အောက် အမျိုးသားဘောလုံးပြိုင်ပွဲနှင့် ဆုချီးမြှင့်ပွဲအခမ်းအနားကို ယမန်နေ့ ညနေ ၃ နာရီအချိန်ကစတင်၍ ဗိုလ်လုပွဲအဖြစ် မြို့နယ်အားကစားနှင့်ကာယပညာဦးစီးဌာန၊ မြို့မပြည်သူ့ဘောလုံးအားကစားကွင်း၌ ကျင်းပသည်။
အဆိုပါဘောလုံးပြိုင်ပွဲတွင် အမှတ်(၁)ရပ်ကွက်အသင်းနှင့် အမှတ်(၄)ရပ်ကွက်အသင်းတို့ ဗိုလ်လုပွဲအဖြစ် ယှဉ်ပြိုင်ကစားခဲ့ကြပြီး ပွဲရလဒ်အဖြစ် အမှတ်(၁)ရပ်ကွက်အသင်းမှ ၂ ဂိုး၊ ဂိုးမရှိဖြင့် အနိုင်ရရှိခဲ့၍ (၇၅)နှစ်မြောက် စိန်ရတုပြည်ထောင်စုနေ့အထိမ်းအမှတ် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌဖလားအား မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသီဟဇော်၊ အဖွဲ့ဝင် ဗိုလ်မှူး မင်းထက်မှူး၊ အဖွဲ့ဝင် ဦးတင်လှိုင်၊ အတွင်းရေးမှူး ရဲမှူးမိုးစိန်၊ မြို့နယ်အားကစားနှင့်ကာယပညာဦးစီးဌာန၊ ဦးစီးအရာရှိ ဒေါ်နှင်းမိုးလှိုင်နှင့် တာဝန်ရှိသူများ၊ တက်ရောက်လာကြသော ဌာနဆိုင်ရာအကြီးအကဲများက ဂုဏ်ပြုဆုများအသီးသီး ပေးအပ်ချီးမြင့်ကာ ရှေ့တန်း၊ အလယ်တန်း၊ နောက်တန်း၊ အကောင်းဆုံးဂိုးသမားဆုနှင့် ပွဲစဉ်တစ်လျှောက် အကောင်းဆုံးကစားသမားဆုများ အသီးသီးပေးအပ် ချီးမြှင့်ခဲ့ကြကြောင်း သိရသည်။
သတင်း - အောင်အောင်
မြန်မာနေရှင်နယ်ပို့စ်
No comments:
Post a Comment