MNP - ဧပြီ ၈
ပဲခူးတိုင်းဒေသကြီး၊ ပြည်ခရိုင် ၊သဲကုန်း မြို့နယ်တွင် ယနေ့ နံနက် ကျင်းပသည့် ၂၀၂၁-၂၀၂၂ ပညာသင်နှစ်၊ တက္ကသိုလ်ဝင်စာမေးပွဲ သမိုင်းဘာသာရပ်ကို စာရင်းပေးသွင်းသူ (၁၆)မြို့နယ်အတွင်းရှိ စာစစ်ဌာန (၂)ခုတို့၌ ဖြေဆိုသူကျောင်းသားကျောင်းသူစုစုပေါင်း ( ၁၆ ) ဦးတို့ဖြင့် ရာနှုန်းပြည့်အေးချမ်းစွာ ဆက်လက်ဖြေဆိုခဲ့ကြကြောင်း မြို့နယ်ပညာရေးမှူးရုံးမှ သိရသည်။
သဲကုန်းမြို့နယ် အတွင်းရှိအ.ထ.က သဲကုန်း စာစစ်ဌာနတွင် ဖြေဆိုရန် စာရင်းပေးသွင်းသူပေါင်း ၁၄ ဦးရှိသည့်အနက် ၁၄ ဦး လာရောက်ဖြေဆိုကြပြီး အ.ထ.က ပုတီးကုန်းစာစစ်ဌာန၌ စာရင်းပေးသွင်းသူ ၂ဦးရှိသည့်အနက် လာရောက်ဖြေဆိုသူ ၂ ဦး၊ ရှိရာ သဲကုန်းမြို့နယ်အတွင်းသမိုင်းဘာသာရပ်အားရာခိုင်နှုန်းပြည့်ဖြေဆိုကြောင်းမြို့နယ်ပညာရေးမှူးရုံးမှသိရသည်။
အဆိုပါစာမေးပွဲဖြေဆိုရာတွင်ကျောင်းသားကျောင်းသူများအေးချမ်းစွာဖြေဆိုနိုင်ရေးအတွက် မြို့နယ်စီမံအုပ်ချုပ်ရေးအဖွဲ့၏ကြီးကြပ်မှုဖြင့်ဌာနဆိုင်ရာများ၊ရပ်ကွက်ကျေးရွာအုပ် ချုပ်ရေးမှူးများ၊ကြက်ခြေနီတပ်ဖွဲ့ဝင်များ၊ရပ်မိရပ်ဖများကဝိုင်းဝန်းကူညီဆောင်ရွက်ပေးလျက်ရှိကြောင်းသိရသည်။
သတင်း - ဝင့်နန္ဒာဌေး
မြန်မာနေရှင်နယ်ပို့စ်
No comments:
Post a Comment