MNP ၊ ဇွန် ၂၁
ကျိုက်ထိုမြို့၏ဂုဏ်သရေဆောင်ဆု တောင်းပြည့်ရွှေဘုံသာဝင်းအတွင်းရှေး ဟောင်းစေတီတော်(၄၇)ဆူအနက်ဉာဏ် တော်အမြင့်(၂၇)တောင်ရှိစေတီတော်တစ် ဆူအား သာသနာ တော်နှစ် ၂၅၆၆ ခု ကောဇာသက္ကရာဇ် ၁၃၈၄ခုနှစ် နယုန်လပြည့်ကျော် ၈ ရက် ဇွန်၂၁ ရက်နံနက် ၈ နာရီတွင် အလှူရှင်ဦးမြင့်သိန်း +ဒေါ်ခင်လှ(စက်သုံးဆီနှင့်ဆန်ရောင်းဝယ်ရေး)မိသားစုမှ မူလအလှူရှင်များအားရည်စူးအမှူးထား၍ အသစ်မွန်းမံပြုပြင်၍ ရွှေထီးတော်တင်လှူပွဲမင်္ဂလာအခမ်းအနားကိုကျင်းပခဲ့သည်။
အခမ်းအနားကို နမောတဿ(၃)ကြိမ် ရွတ်ဆိုဖွင့်လှစ်ပြီး မြို့မရမ်းချို အောင်သစ္စာ ပဓာနနာယကဆရာတော် ဘဒ္ဒန္တနန္ဒောဘာသဘိဝံသ(၁၁)ဘွဲ့ရဆရာတော်မှ (၉)ပါးသီလ ချီးမြှင့်ပြီးအနုမောဒနာတရား ဟောကြားကာ ပရိတ်တရားတော်များချီးမြှင့်၍လှူဒါန်းမှုအစုစုတို့အား ရေစက် သွန်းချအမျှပေးဝေခဲ့သည်။
ယင်းနောက်အလှူရှင်မိသားစု များမှ ရွှေထီးတော်အားဗောဓိကိုးထောင်အောင် သပြေကျောင်းတိုက် နိုင်ငံတော်ဩဝါဒစရိယဆရာတော် ဘဒ္ဒန္တပဏ္ဏိစ္စနှင့်မြို့မရမ်းချိုအောင်သစ္စာကျောင်းတိုက်ပဓာနနာယကဘဒ္ဒန္တနန္ဒောဘာသဘိဝံသ(၁၁)
ဘွဲ့ရဆရာတော်တို့ထံကပ်လှူပြီးဆရာတော်များထံမှပြန်လည်ပင့် ဆောင်ကာ စေတီတော်အားလင်္ကျာရစ်(၃)ပတ်လှည့်လည်အပူဇော်ခံ၍ ယာယီစံကျောင်းတွင်ခေတ္တအပူဇော်ခံခဲ့သည်။
ဆက်လက်ပြီး ရွှေထီးတော်အား လက်ဆင့်ကမ်းသယ်ဆောင်ကာ တင်လှူပူဇော်ခဲ့သည်။ ယင်းနောက် ဆရာတော်သံဃာ တော်အရှင်သူမြတ်များကစေတီတော်အားဘုရားအနေ ကဇာတင်ပူဇော်ပြီး ဗုဒ္ဓသာသနံစိရံတိဌတု(၃)ကြိမ်ရွတ်ဆို၍ရွှေထီးတော်တင်လှူပြီး အခမ်း အနားကိုရုတ်သိမ်းခဲ့သည်။
အဆိုပါထီးတော်တင် အခမ်းအနားသို့ ဗောဓိကိုးထောင် အောင်သပြေကျောင်းတိုက် နိုင်ငံတော်ဩဝါဒစရိယဆရာတော် ဘဒ္ဒန္တပဏ္ဏိစ္စ၊ မြို့မရမ်းချို အောင်သစ္စာကျောင်းတိုက်ပဓာနနာယက ဘဒ္ဒန္တနန္ဒောဘာသဘိဝံသ(၁၁)ဘွဲ့ရဆရာတော်နှင့်ဆရာတော်၊ သံဃာတော်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးမင်းစိုးနှင့်အဖွဲ့ဝင်များ၊ အလှူရှင်များ တက်ရောက်ခဲ့ကြကြောင်းသိရသည်။
သတင်း - ဝင်းမောင်(ကျိုက်ထို)
https://t.me/MyanmarNationalPost
No comments:
Post a Comment