MNP ၊ ဇူလိုင် ၁၇
ကျိုက်ထိုခရိုင် ၊ကျိုက်ထိုမြို့နယ်တွင် မီးသတ်ဦးစီးဌာနမှ သဘာဝဘေးအန္တရာယ်ကြိုတင်ကာကွယ်ရေးအတွက် ရေပြင်အသက်ကယ်သရုပ်ပြပွဲ ကို ကျိုက်ထိုမြို့ နယ် မြောက်ပိုင်း ရပ်ကွက် ကဒက်ချောင်း ရေထိန်းတံခါး ၌ ဇူလိုင်(၁၆) ရက် မွန်းလွဲ (၃)နာရီက ကျင်းပပြုလုပ်ခဲ့သည်။
သရုပ်ပြပွဲတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ (ကိုယ်စား)ဒုတိယ မြိုနယ် အုပ်ချုပ်ရေးမှူးဦးထွန်းထွန်းဝင်း မှ သဘာဝဘေးအန္တရာယ်ကြိုတင်ကာကွယ် ရေးအနေဖြင့် ရေပြင်အသက်ကယ်သရုပ်ပြပွဲကိုပြုလုပ်ထားခြင်းဖြင့် ရေဘေးအန္တရာယ် ကြုံတွေ့လာပါက ကာကွယ်နိုင်မည့်နည်းလမ်းများကိုသိရှိလာနိုင်ကြောင်းတို့ကိုပြောကြားခဲ့သည်။
ထို့နောက် မြို့နယ်မီးသတ်ဦးစီးမှူးဦးရဲညွန့်ထွေးမှ ရေပြင်ကယ်ဆယ်ရေးသရုပ်ပြဆောင်ရွက်မည့်အစီအမံများကိုရှင်းလင်းပြောကြားပြီး ၊ဦးတင်ထွေး (မီးသတ်ဦးစီးမှူးအငြိမ်းစား)မှ ရေပြင်ခရီးသွားလာရာတွင်အသက်ကယ်အင်္ကျီဝတ်ဆင်သင့်ရန်နှင့် ဝတ်ဆင်ပုံနည်းလမ်းများကိုပြောကြားခဲ့သည်။
ဆက်လက်၍ ရေပြင် အသက်ကယ် သရုပ်ပြပွဲကိုစတင်ခဲ့ရာ ရေနစ်သူအား Bout ကွင်းဖြင့် ကယ်ဆယ်ခြင်း၊ရေနစ်သူအားအသက်ကယ်တပ်ဖွဲ့ဝင်များမှကယ် ဆယ်ခြင်း၊ရေနစ်သူအားအသက်ကယ်တပ်ဖွဲ့ဝင်များမှ ကယ်ဆယ်ခြင်း၊ရေငုပ်ဝတ်စုံ Dive Soit အသုံးပြု၍ရေငုတ်ရှာဖွေခြင်း၊ကယ်ဆယ်ရေးတပ်ဖွဲ့ဝင်များမှ ရေကူးကျွမ်းကျင်မှုသရုပ်ပြခြင်း၊ကယ်ဆယ်ရေးစက်လှေ(Assault Boat)ဖြင့်မောင်းနှင်သရုပ်ပြခြင်းတို့ကို ဆောင်ရွက် ခဲ့ကြောင်းသိရသည်။
https://t.me/MyanmarNationalPost
No comments:
Post a Comment