MNP - ဩဂုတ် ၂၇
ရခိုင်ပြည်နယ်၊ စစ်တွေခရိုင်၊ ပေါက်တောမြို့နယ် ငခူရှည်ကျေးလက်ကျန်းမာရေးဦးစီးဌာနမှ ကျန်းမာရေးဝန်ထမ်းများ ကြီးကြပ်လျက် ပေါက်တောမြို့နယ်၊ မူလွန်-ရွာချောင်းကြီး အခြေခံပညာ ကျောင်းရှိ ကျောင်းသူ/ကျောင်းသားများအား ယမန်နေ့နေ့လယ်ပိုင်းက ကျောင်းကျန်းမာရေး ဟောပြောခြင်းနှင့် သန်ချဆေးများ တိုက်ကျွေးပေးခဲ့ကြောင်း သိရသည်။
ထိုသို့ ဆောင်ရွက်ခဲ့ရာတွင် ငခူရှည်ကျေးလက်ကျန်းမာရေးဌာနမှ ကျန်းမာရေးကြီးကြပ် ဦးဇော်လင်းနိုင်က သွေးလွန်တုပ်ကွေးရောဂါ ဖြစ်ပွားရခြင်း အကြောင်းအရာများ၊ တစ်ကိုယ်ရည် သန့်ရှင်းစွာ နေထိုင်ကြရန်တို့ကို အကျယ်တဝင့် ရှင်းလင်းပြောကြားခဲ့သည်။ ထို့နောက် ကျောင်းသား၊ ကျောင်းသူများ သန်ကောင်ရောဂါကင်းဝေးပြီး ကျန်းမာပျော်ရွှင်စွာ ပညာသင်ကြားနိုင်ရေးအတွက် ကျောင်းသား/သူ တစ်ဦးချင်းစီသို့ ကျန်းမာရေးဝန်ထမ်းများ ကိုယ်တိုင် သန်ချဆေးတိုက်ကျွေးပေးခဲ့ကြကြောင်း သိရသည်။
မြန်မာနေရှင်နယ်ပို့စ်
No comments:
Post a Comment