MNP - ဩဂုတ် ၁၉
ပဲခူးတိုင်းဒေသကြီး၊ ပေါက်ခေါင်းမြို့နယ် ကျန်းမာရေးဦးစီးဌာန မြို့နယ်ဆရာဝန်ကြီး ဒေါက်တာ အောင်မျိုးမြတ်၏ ဦးဆောင်မှုဖြင့် မြို့နယ်အတွင်းရှိ ဌာနဆိုင်ရာရုံးများသို့ မကူးစက်နိုင်သောရောဂါများ NCD Clinic ကွင်းဆင်းဆေးကုသပေးခြင်း လုပ်ငန်းများကို ဆောင်ရွက်ပေးလျက်ရှိကြောင်း သိရသည်။
ထိုသို့ ကွင်းဆင်းဆေးကုသမှုပေးရာတွင် မြို့နယ်ကျန်းမာရေးဦးစီးဌာန ဝန်ထမ်းများက ယမန်နေ့နံနက်ပိုင်းက မြန်မာ့စီးပွားရေးဘဏ်ရှိ ဝန်ထမ်းများအား ကျန်းမာရေး စောင့်ရှောက်မှုများအဖြစ် ဆီးချို၊ သွေးချို ရှိ/မရှိ စစ်ဆေးခြင်းနှင့် သွေးတိုးရောဂါ ရှိ/မရှိ စစ်ဆေးဆောင်ရွက်ပေးပြီး၊ ရောဂါများ စစ်ဆေးတွေ့ရှိပါက သောက်ဆေး (၁)လစာကို အခမဲ့ထုတ်ပေးခဲ့ပြီး၊ ဆေးကုန်ပါက ပြည်သူ့ဆေးရုံသို့ လာရောက်ထုတ်ယူနိုင်ကြောင်းနှင့် နောက်ရက်များတွင် ကျန်ရှိနေသော ဌာနဆိုင်ရာရုံးများသို့လည်း ကွင်းဆင်းဆေးကုသပေးခြင်းများ ဆောင်ရွက်ပေးမည်ဖြစ်ကြောင်း သိရသည်။
သတင်း - သန်းထွန်းအောင်
မြန်မာနေရှင်နယ်ပို့စ်
No comments:
Post a Comment