MNP - သြဂုတ် ၆
မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တွင် စွမ်းအင်ဝန်ကြီးဌာန၊ မြန်မာ့ရေနံနှင့် သဘာဝဓာတ်ငွေ့လုပ်ငန်း၊ ချောက်/လမ်းရွာရေနံမြေနှင့် အကျိုးတူပူးပေါင်း ဆောင်ရွက်လျက်ရှိသော Gold petrol ကုမ္ပဏီနှင့် အသေးစားစက်မှုလက်မှုလုပ်ငန်း ဦးစီးဌာန (မကွေးတိုင်းဒေသကြီး) တို့ ပူးပေါင်းဖွင့်လှစ်သော အသက်မွေးဝမ်းကျောင်းပညာသင်တန်း (Vocational Education Training) (၆/၂၀၂၂) အဖြစ် (ဆိုင်ကယ်ပြင်သင်တန်း) သင်တန်းဖွင့်ပွဲ အခမ်းအနားကို ယနေ့နံနက် ၉နာရီအချိန်က အမှတ် ၂ လုပ်သားများ အပန်းဖြေရိပ်သာ ချောက်ရေနံမြေ လုပ်ငန်းခွင် သင်တန်းကျောင်းခန်းမ၌ ကျင်းပခဲ့သည်။
ရှေးဦးစွာ မကွေးတိုင်းဒေသကြီး၊ အသေးစားစက်မှုလက်မှုလုပ်ငန်းဦးစီးဌာန၊ ညွှန်ကြားရေးမှူး ဦးစိုးနိုင်ထူးက အသက်မွေးဝမ်းကျောင်းပညာသင်တန်း (Vocational Education Training) များ ပေးရခြင်း ရည်ရွယ်ချက်အားလည်းကောင်း၊ ချောက်/လမ်းရွာရေနံမြေအထွေထွေ မန်နေဂျာဦးရဲနိုင်က (CSR) အစီအစဉ်ဖြင့် အသက်မွေးဝမ်းကျောင်းပညာသင်တန်း (Vocational Education Training) ဖွင့်လှစ်ရခြင်း၏ ရည်ရွယ်ချက်အားလည်းကောင်း အသီးသီး ရှင်းလင်းတင်ပြခဲ့သည်။
ထို့နောက် သင်တန်းသားများအား ချောက်/လမ်းရွာရေနံမြေ အထွေထွေမန်နေဂျာနှင့် မကွေးတိုင်းဒေသကြီး၊ အသေးစားစက်မှုလက်မှုလုပ်ငန်း ဦးစီးဌာန ညွှန်ကြားရေးမှူးတို့က သင်ထောက်ကူပစ္စည်းများ ပေးအပ်ခဲ့သည်။ အဆိုပါ အသက်မွေးဝမ်းကျောင်းပညာသင်တန်း (Vocational Education Training) (၆/၂၀၂၂) အဖြစ် ဆိုင်ကယ်ပြင်သင်တန်းကို ဒေသခံပြည်သူများ အလုပ်အကိုင်အခွင့်အလမ်းများ ရရှိစေရန် ရည်ရွယ်၍ဖွင့်လှစ်ခြင်း ဖြစ်ကြောင်း၊ သင်တန်းကို သြဂုတ်လ (၆)ရက်နေ့မှ စက်တင်ဘာလ (၄)ရက်နေ့အထိ တစ်လကြာ နေ့စဉ်နံနက် (၈)နာရီမှ နံနက်(၁၁)နာရီခွဲထိ၊ နေ့လယ် (၁)နာရီမှ ညနေ (၄)နာရီအထိ သင်ကြားပေးသွားမည်ဖြစ်ကြောင်း၊ သင်တန်းကို သင်တန်းသား(၁၈)ဦးဖြင့် စရိတ်ငြိမ်း ဖွင့်လှစ်ပေးခြင်းဖြစ်ကြောင်း သိရသည်။ သင်တန်းဖွင့်ပွဲအပြီးတွင် သင်တန်းတာဝန်ရှိသူများနှင့် သင်တန်းသားများ စုပေါင်းမှတ်တမ်းတင်ဓာတ်ပုံ ရိုက်ကူးခဲ့ကြောင်း သိရှိရသည်။
သတင်း - ကျော်မိုး
မြန်မာနေရှင်နယ်ပို့စ်
No comments:
Post a Comment