MNP - သြဂုတ် ၂၃
ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်မှ တွံတေးမြို့နယ်သို့ YBS-၂၃ ယာဉ်လိုင်းသည် ယမန်နေ့နံနက်ပိုင်းက စတင်ပြေးဆွဲလျက်ရှိကြောင်း သိရသည်။
အဆိုပါ YBS-၂၃ ယာဉ်လိုင်းပြေးဆွဲရာတွင် ခရီးသွားမိဘပြည်သူများနှင့် ရုံးဝန်ထမ်းများ သွားလာမှုအဆင်ပြေစေရေးအတွက် တွံတေးမှ ဒလသို့ နံနက် ၇နာရီ နှင့် ၈နာရီအချိန်တွင် အလှည့်ကျ တစ်စီးနှုန်းပြေးဆွဲမှာဖြစ်ပြီး၊ ဒလမှ တွံတေးသို့ ညနေ ၄နာရီနှင့် ၅နာရီအချိန်တွင် ယာဉ်တစ်စီးနှုန်းဖြင့် အလှည့်ကျပြေးဆွဲပြီး လူတစ်ဦးလျှင် (၅၀၀)ကျပ်နှုန်းဖြင့် အများပြည်သူခရီးသည်နှင့် ဝန်ထမ်းများကို ဈေးနှုန်းသက်သာစွာဖြင့် သယ်ယူပို့ဆောင်ပေးမည်ဖြစ်ကြောင်း သိရသည်။
ဆက်လက်ပြီး YBS-၂၃ ယာဉ်လိုင်းသည် တွံတေးမှ လှိုင်သာယာ (BOC) သို့လည်း ပြေးဆွဲမှာဖြစ်ပြီး ခရီးသွားမိဘပြည်သူများကို ဈေးနှုန်းသက်သာစွာဖြင့် လူတစ်ဦးလျှင် (၇၀၀)ကျပ်နှုန်း သယ်ယူပို့ဆောင်ပေးမည်ဟု သိရသည်။
သတင်း - သီတာဝင်း
မြန်မာနေရှင်နယ်ပို့စ်
No comments:
Post a Comment