MNP - စက်တင်ဘာ ၂၃
ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၊ မကျီးထုံးအုပ်စု ကြို့ကုန်းကျေးရွာတွင် ဆောင်းနေကြာစိုက်ပျိုးထားသောတောင်သူအား စားသုံးသူရေးရာဦးစီးဌာနမှ ယမန်နေ့နံနက်ပိုင်းက ကွင်းဆင်းမေးမြန်းခဲ့ကြောင်း သိရသည်။
ထို့နောက်ပန်းတောင်းမြို့နယ်၊ မကျီးထုံးအုပ်စု၊ ကြို့ကုန်းကျေးရွာ၊ ကွင်းအမှတ် ၁၂၇ ကွင်းတွင် ဆောင်းနေကြာစိုက်ဧက ၃ ဧကစိုက်ပျိုးထားကြောင်းကို စားသုံးသူရေးရာဦးစီးဌာနမှ ဦးစီးအရာရှိဒေါ်သန်းသန်းအေးကမေးမြန်းရာ ဆောင်းနေကြာစိုက်တောင်သူဦးကြီးရွှေက ကျေးရွာအုပ်စုအနေဖြင့် ဆောင်းနေကြာ(၈၅)ဧက စိုက်ပျိုးမည်ဖြစ်ကြောင်း သိရသည်။
အဆိုပါဆောင်းနေကြာတစ်ဧကစိုက်ပျိုးလျှင် မျိုးစေ့အနေဖြင့် (၄)ပြည်စိုက်ပျိုးရကြောင်း၊ စိုက်နည်းစနစ်တွင် လက်ရှိစိုက်ဧက(၃)ဧကကို ကြဲပက်စိုက်ပျိုးထားပြီး နေကြာတစ်ပင်သက်တမ်း တစ်လခွဲခန့်ရှိ၍ အသီးအပွင့်များဝေဆာနေကြောင်း ဆောင်းနေကြာစိုက်တောင်သူ ဦးကြီးရွှေထံမှ သိရသည်။
သတင်း - သင်းသင်းအေး
မြန်မာနေရှင်နယ်ပို့စ်
No comments:
Post a Comment