MNP - စက်တင်ဘာ ၂၃
အခမ်းအနားများပွဲများ ပြင်ဆင်ရာတွင် ပန်းများဖြင့် အလှပြင်ဆင်နည်း၊ ပန်းအလှထိုးနည်းများကို သိရှိစေရန်ရွယ်၍ ပြင်ဦးလွင်ခရိုင် ခရိုင်အမျိုးသမီးကော်မတီမှ ကြီးမှူး၍ ပန်းအလှပြင်နည်းသင်တန်းကို ယမန်နေ့မွန်းလွဲ (၁) နာရီက အမှတ် (၃) အခြေခံပညာအလယ်တန်းကျောင်းရှိ ပညာရတနာခန်းမဆောင်၌ ကျင်းပပြုလုပ်ရာ တာဝန်ရှိသူများ၊ သင်တန်းနည်းပြ ဆရာများ၊ ဆရာ/ဆရာမများနှင့် ကျောင်းသား၊ ကျောင်းသူများ တက်ရောက်ကြသည်။
ရှေးဦးစွာ နည်းပြဆရာများမှ ပန်းအလှပြင်ထိုးနည်းနှင့်ပတ်သက်၍ အသေးစိတ်ရှင်းလင်းပြောကြားခဲ့ပြီး ပန်းများဖြင့် အလှပြင်ထိုးနည်းကို စနစ်တကျ လက်တွေ့ ပြင်ဆင်ထိုးပြပြီးနောက် ကျောင်းသား/ကျောင်းသူလေးများကလည်း လက်တွေ့စမ်းသပ် ပန်းအလှပြင်ဆင်ခဲ့ကြသည်။
အဆိုပါသင်တန်းကို ပြင်ဦးလွင်ခရိုင်လူမှုဝန်ထမ်းဦးစီးဌာနမှ တာဝန်ရှိသူများ၊ ခရိုင်/ မြို့နယ် မိခင်နှင့်ကလေးစောင့်ရှောက်ရေးအသင်းနှင့် ခရိုင်/မြို့နယ် အမျိုးသမီးရေးရာအဖွဲ့တို့ ပူးပေါင်းပြီး ဖွင့်လှစ်ခြင်းကြောင်း သိရသည်။
မြန်မာနေရှင်နယ်ပို့စ်
No comments:
Post a Comment