MNP - စက်တင်ဘာ ၂၈
မွန်ပြည်နယ်၊ မော်မြိုင်ခရိုင်၊ သံဖြူဇရပ်မြို့နယ်၌ မြန်မာနိုင်ငံ ကလေးအလုပ်သမားများပပျောက်နိုင်ရေးအတွက် သံဖြူဇရပ်မြို့နယ် ကလေးအလုပ်သမား ပပျောက်ရေးဆိုင်ရာကော်မတီ လုပ်ငန်းညှိနှိုင်းအစည်းအဝေးကို ယမန်နေ့ မွန်းလွဲပိုင်းက မြို့နယ်အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူးရုံးခန်း၌ ကျင်းပပြုလုပ်သည်။
ရှေ့ဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်မိုးလွင်က မြန်မာနိုင်ငံ ကလေးအလုပ်သမားပပျောက်ရေးဆိုင်ရာလုပ်ငန်းများ အောင်မြင်စွာအကောင်အထည်ဖော် ဆောင်ရွက်နိုင်ရန် မြို့နယ်အဆင့် ကလေးအလုပ်သမားပပျောက်ရေးဆိုင်ရာ လုပ်ငန်းကော်မတီများကို ဖွဲ့စည်းထားပြီးဖြစ်၍ လုပ်ငန်းကော်မတီများမှလည်း မိမိတို့နှင့်သက်ဆိုင်သည့် လုပ်ငန်းများ အောင်မြင်စွာ အကောင်အထည်ဖော် ဆောင်ရွက်နိုင်ရေးအတွက် သက်ဆိုင်ရာကဏ္ဍအလိုက် အားလုံးပူးပေါင်းဆောင်ရွက်ကြစေရေး၊ ကလေးအလုပ်သမားပပျောက်ရေးဆိုင်ရာ ကော်မတီအစည်းအဝေးများကို ပုံမှန်ပြုလုပ်ကြစေရေး ဆွေးနွေးပြောကြားသည်။
ဆက်လက်၍ ကလေးအလုပ်သမားပပျောက်ရေးဆိုင်ရာ အသိပညာပေးရေးနှင့် စွမ်းဆောင်ရေမြှင့်တင်ရေးလုပ်ငန်းကော်မတီဥက္ကဋ္ဌ မြို့နယ်စီမံအုပ်ချုပ်ရေးအဖွဲ့အဖွဲ့ဝင် ဦးအောင်သန်းက ကော်မတီ၏ ဆောင်ရွက်ရမည့် လုပ်ငန်းများကို ဆွေးနွေးပြီး၊ တက်ရောက်လာကြသည့် လုပ်ငန်းကော်မတီဝင်များမှလည်း ကဏ္ဍအလိုက် တင်ပြဆွေးနွေးကြရာ မြို့နယ်တာဝန်ရှိသူမှလည်း ပြန်လည်ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။
သတင်း - အေးအေးသီ
မြန်မာနေရှင်နယ်ပို့စ်
No comments:
Post a Comment