MNP - စက်တင်ဘာ ၂၈
ပဲခူးတိုင်းဒေသကြီး၊ တောင်ငူခရိုင်၊ ထန်းတပင်မြို့နယ်၌ ယမန်နေ့နံနက်ပိုင်းက ပဲခူးတိုင်းဒေသကြီးအစိုးရအဖွဲ့၏ကြီးကြပ်မှုဖြင့် မြို့နယ်အထွေထွေအုပ်ချုပ်ရေးဦးစီးဌာနနှင့် ဆန်လုပ်ငန်းရှင်များအသင်းတို့ပူးပေါင်း၍ ဝန်ထမ်းများအားဆန်တစ်ပြည်လျှင် ၁၅၈၄/-ကျပ်နှုန်းဖြင့် မြို့နယ်အထွေထွေအုပ်ချုပ်ရေးဦးစီးဌာနရုံးရှေ့၌ ရောင်းချပေးလျက်ရှိကြောင်း သိရသည်။
ထိုသို့ရောင်းချပေးရာတွင် ဝန်ထမ်းတစ်ဦးလျှင် ဆန်တစ်ပြည်နှင့်လေးလုံးနှုန်းဖြင့် ထန်းတပင်မြို့ပေါ် ဝန်ထမ်းများကို ရောင်းချပေးလျက်ရှိပြီး ကျန်ရှိနေသောဝန်ထမ်းများကိုလည်း ဆက်လက်ရောင်းချပေးသွားမည်ဖြစ်ကြောင်း သိရသည်။
ထန်းတပင်မြို့နယ်အတွင်းရှိဝန်ထမ်းများ စားဝတ်နေရေးအဆင်ပြေစေရန်အတွက် ဆန်များရောင်းချပေးခြင်းကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးလှမြင့်နှင့်အဖွဲ့ဝင်များ၊ ဌာနဆိုင်ရာအကြီးအကဲများက ပူးပေါင်းဆောင်ရွက်ပေးခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment