MNP ၊ အောက်တိုဘာ ၂၄
ရခိုင်ပြည်နယ်၊ ရသေ့တောင်မြို့နယ်၊ မိုးစဲကျွန်း၊ မေယုမြစ်ဝနှင့် ကြွီတဲမြစ်ဝရှိ ရသေ့တောင်မြို့မှ ၁၃ မိုင်ခန့်ကွာဝေးသော ဆားပြင်ကြီးကျေးရွာအုပ်စု၊ ဆားပြင်ကြီးကျေးရွာ ခမမပည DT 812452 တွင် မုန်တိုင်းအရှိန်ကြောင့် ကျေးရွာအတွင်း အိမ်ခြေ ၁၀၀ ခန့် ထူးကဲဒီရေ ၄ ပေခန့်ဝင်ရောက် နစ်မြုပ်လျက်ရှိကြောင်း သိရှိရသည်။
လက်ရှိအချိန်ထိ လူတိရစ္ဆာန်ထိခိုက်သေဆုံးမှု၊ အဆောက်အဦများ ပျက်စီးဆုံးရှုံးမှုမရှိပါကြောင်းနှင့် သက်ကြီးရွယ်အိုများ၊ မသန်စွမ်းများ၊ ကလေးသူငယ်နှင့် ကိုယ်ဝန်ဆောင် နို့တိုက်မိခင်များအား ရေလွတ်ရာအမြင့်ပိုင်း ကျေးရွာစာသင်ကျောင်းသို့ ကျေးရွာအုပ်ချုပ်ရေးအဖွဲ့နှင့် စေတနာ့ဝန်ထမ်းများက ရွှေ့ပြောင်းနေရာချထားပေးလျက်ရှိပြီး ဆားပြင်ကြီးကျေးရွာမှာ အိမ်ခြေ (၃၀၁)အိမ်၊ အိမ်ထောင်စု (၃၀၃)စု၊ လူဦးရေ ကျား (၈၄၄)ဦး၊ မ (၈၆၀)ဦး၊ ပေါင်း (၁၇၀၄)ဦးရှိကြောင်း သိရှိရပါသည်။
ထွန်းလင်းကျော်
https://t.me/MyanmarNationalPost
No comments:
Post a Comment