MNP - နိုဝင်ဘာ ၂၀
ရန်ကုန်တိုင်းဒေသကြီး၊ ပုဇွန်တောင်မြို့နယ် စည်ပင်သာယာအုပ်ချုပ်ရေးမှူးရုံးတွင် ယမန်နေ့နံနက် ၉ နာရီက မြို့နယ် စည်ပင်သာယာအုပ်ချုပ်ရေးမှူးရုံး ဝန်ထမ်းများနှင့် တွဲဖက်ဌာနဝန်ထမ်းများအား မီးဘေးအန္တရာယ် ကင်းဝေးစေရန် မိမိက စမီးလောင်မှုဖြစ်ပွားခြင်း မရှိစေရန် သတိထားရမည့် အချက်များ၊ ဆောင်ရန်/ရှောင်ရန်များကို မြို့နယ်မီးသတ်ဦးစီးဌာန၊ ဦးစီးအရာရှိ ဦးအောင်လွင်ဦးမှ အသိပညာပေး ဟောပြောခဲ့သည်။
ထို့နောက် ဝန်ထမ်းများအား မီးဘေးအန္တရာယ်နှင့်ကြုံတွေ့ပါက မီးသတ်ဆေးဘူးအား စနစ်တကျ အသုံးပြု၍ မီးငြိမ်းသတ်တတ်စေရန်အတွက် မီးသတ်ဆေးဘူးအသုံးပြုပုံ၊ မီးသတ်ဆေးဘူးနှင့် မီးငြိမ်း သတ်ခြင်း၊ သရုပ်ပြဇာတ်တိုက်လေ့ကျင့်ခြင်း၊ ဝန်ထမ်းများအား လက်တွေ့သရုပ်ပြစေခြင်းတို့ကို မြို့နယ်မီးသတ်ဉီးစီးဌာန၊ ဦးစီးအရာရှိ ဦးအောင်လွင်ဦးနှင့်မီးသတ်ဝန်ထမ်းများမှ အသိပညာပေး ဆောင်ရွက်ခဲ့ကြောင်း သတင်းရရှိသည်။
သတင်း - ဟန်စုယဉ်
မြန်မာနေရှင်နယ်ပို့စ်
No comments:
Post a Comment