MNP - ဇန်နဝါရီ ၂၇
ရန်ကုန်တိုင်းဒေသကြီး၊ ရန်ကုန်အနောက်ပိုင်းခရိုင်၊ ဒဂုံမြို့နယ်၊ ဘုရားကြီးရပ်ကွက်၊ ရွှေတိဂုံဘုရားလမ်းရှိ ရွှေတိဂုံစေတီတော်မြတ်ကြီးတွင် ဌာနဆိုင်ရာများ၊ မြန်မာနိုင်ငံ ရဲတပ်ဖွဲ့ဝင်များ၊ ရန်ကုန်မြို့တော်စည်ပင်သာယာရေး ကော်မတီမှဝန်ထမ်းများ၊ ခရိုင်နှင့် မြို့နယ်မှစည်ပင်သာယာရေးဝန်ထမ်းများ၊ ပန်းဥယျာဉ်၊ ရေစီးရေလာ၊ လမ်းတံတား၊ မြို့နယ်ရုံးတို့မှ ပူးပေါင်းဝန်ထမ်းများ(၁၄၈၆)ဦးတို့က စုပေါင်းသန့်ရှင်းရေးပြုလုပ်ခြင်းကို ယမန်နေ့နံနက်(၀၆:၃၀) နာရီအချိန်က စတင်ပြုလုပ်ခဲ့ကြသည်။
အဆိုပါသန့်ရှင်းရေးပြုလုပ်ရာတွင် လေးဆူဓါတ်ပုံရွှေတိဂုံစေ တီတော်မြတ်ကြီးအား ဘုရားဖူးပြည်သူများ ဘုရားလာရောက်ဖူးမျှော်ရာ၌ အေးချမ်းစွာ ဘုရားလာရောက် ဖူးမျှော်နိုင်ကြစေရန်နှင့် သန့်ရှင်းသာယာလှပပြီး စိတ်ချမ်းမြေ့စေရန်ရည်ရွယ်၍ ရွှေတိဂုံစေတီတော်ရင်ပြင်နှင့် အလယ်ပစ္စယံတို့တွင် အမှိုက်လှည်းခြင်း၊ ဆီးမီးခုံများ၊ တန်ဆောင်းများနှင့် ဘုရားစေတီများအတွင်း ကုသိုလ်ယူသန့်ရှင်းခြင်းများပြုလုပ်ခဲ့ကြသည်။ စုပေါင်းသန့်ရှင်းရေးဆောင်ရွက်ရာသို့ ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းနှင့် တိုင်းဒေသကြီး အစိုးရအဖွဲ့ဝင်ဝန်ကြီးများမှ သန့်ရှင်းရေးဆောင်ရွက်နေမှုများကို လာရောက်ကြည့်ရှုအားပေးခဲ့ကြောင်းသိရသည်။
ထို့နောက်ရန်ကုန်တိုင်းဒေသကြီးဝန်ကြီးချုပ်နှင့် အစိုးရအဖွဲ့ဝင်ဝန်ကြီးများက လေးဆူဓါတ်ပုံ ရွှေတိဂုံစေတီတော်မြတ်ကြီး အပါအဝင် ကုန်းတော်ပေါ်ရှိ ဗုဒ္ဓအမွေအနှစ်များကို ရေရှည်တည်တံ့ခိုင်မာအောင် ထိန်းသိမ်းစောင့်ရှောက်ကြရန် ရွှေတိဂုံစေတီတော်ဂေါပကအဖွဲ့ တာဝန်ရှိသူများအား မှာကြားခဲ့ကြောင်း သတင်းရရှိပါသည်။
ကြည်ဇေသော်
https://t.me/MyanmarNationalPost
No comments:
Post a Comment