MNP - ဇန်နဝါရီ ၁၇
ဧရာဝတီတိုင်းဒေသကြီး၊ ပုသိမ်ခရိုင်၊ သာပေါင်းမြို့နယ် စိုက်တိုးမြင့်ကော်မတီဥက္ကဋ္ဌနှင့်အဖွဲ့ နေကြာသီးသန့် စိုက်ကွင်းဖြစ်ထွန်းနေမှု အခြေအနေအား ယမန်နေ့ မွန်းလွဲ ၂ နာရီ ၄၅ မိနစ်အချိန်က ကြည့်ရှုအားပေးခဲ့သည်။
မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ စိုက်တိုးမြင့်ကော်မတီဥက္ကဋ္ဌ ဦးမင်းဧရာထိုက်၊ မြို့နယ်စိုက်ပျိုးရေးဦးစီးအရာရှိ၊ စိုက်တိုးမြင့်ကော်မတီအတွင်းရေးမှူး ဦးမျိုးမြင့်လွင်၊ ကျေးရွာစိုက်တိုးမြင့်ကော်မတီအဖွဲ့တို့က ဇီးဖြူကွင်းကျေးရွာအုပ်စု၊ ဇီးဖြူကွင်းကျေးရွာ၊ ကွင်းအမှတ် (၆၉၆) ၊ ဦးပိုင်အမှတ် (၃၄) ၊ တောင်သူဦးစောအောင် စိုက်ပျိုးထားရှိသော နေကြာသီးသန့် (၂) ဧကဖြစ်ထွန်းနေမှုအခြေအနေအား ကြည့်ရှုအားပေးပြီး မြေသားဘောင်လုံးပြုလုပ်ရန်၊ ရေသွင်းရန်၊ နေကြာပင်ပေါက်သားခွဲရန်၊ ရွက်ဖျန်းမြေသြဇာ ပက်ဖျန်းရန်တို့ကို မှာကြားဆောင်ရွက်ခဲ့ကြကြောင်း သိရသည်။
မျိုးဇော်သိန်း
https://t.me/MyanmarNationalPost
No comments:
Post a Comment