MNP - ဇန်နဝါရီ ၂၅
ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့တွင် မြို့နယ်ဈေးကွက် စောင့်ကြည့်ရေးအဖွဲ့မှ တာဝန်ရှိသူများက မြို့နယ်အတွင်းနှင့် မြို့နယ်ကျော် တင်သွင်းဖြန့်ဖြူးရောင်းချလျက်ရှိသော စားသောက်ကုန်များတွင် အရောင်တင်ဆီ၊ ခွင့်မပြုဆိုးဆေးများသုံးစွဲရောင်းချခြင်းရှိ/မရှိစစ်ဆေးခြင်းကို ယမန်နေ့နံနက်ပိုင်းက မြို့မဈေးအတွင်း/အပြင်တို့တွင် ကွင်းဆင်းဆောင်ရွက်ကြသည်။
ထိုသို့ကွင်းဆင်းစစ်ဆေးရာတွင် မြို့နယ်ဈေးကွက်စောင့်ကြည့်ရေးအဖွဲ့များဖြစ်သော မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ရဲတပ်ဖွဲ့မှတာဝနှ်ရှိသူများက ငါးပိ၊ ပုဇွန်ခြောက်၊ ငါးခြောက်၊ လက်ဖက်၊ ပဲလှော်၊ ငရုတ်သီးမှုန့်များနှင့် ဈေးကွက်အတွင်းတရားမဝင်ဆေးဝါးနှင့် ဆေးဝါးအတုများ အားမြို့နယ်အတွင်း တင်သွင်းဖြန့်ဖြူးရောင်းချခြင်းရှိ/မရှိကို ဈေးရောင်းချနေသော ဆိုင်ခန်းများသို့ ကွင်းဆင်းကြည့်ရှုစစ်ဆေးကြကြောင်း သိရသည်။
https://t.me/MyanmarNationalPost
No comments:
Post a Comment