MNP - ဇန်နဝါရီ ၃၁
ပဲခူးတိုင်းဒေသကြီး ပြည်မြို့သူနာပြုနှင့်သားဖွားသင်တန်းကျောင်း၏ အပတ်စဉ်(၂၈) မောင်မယ်သစ်လွင်ကြိုဆိုပွဲ အခမ်းအနားကို ယနေ့နံနက်(၉)နာရီက အဆိုပါကျောင်းမြတ်ပညာခန်း၌ ကျင်းပပြုလုပ်သည်။
အခမ်းအနားတွင် ရှေးဦးစွာပြည်ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးသိန်းအောင်က ကြိုဆိုနုတ်ခွန်းဆက်စကားပြောကြားပြီး ပြည်မြို့သူနာပြုနှင့်သားဖွားသင်တန်းကျောင်းမှ ကျောင်းအုပ်ဆရာမကြီး လက်ထောက်ညွှန်ကြားရေးမှူး ဒေါ်စန်းစန်းဌေးက ကြိုဆိုနှုတ်ခွန်းဆက်စကားပြောကြားသည်။
ယင်းနောက်အပတ်စဥ်(၂၆/၂၇) သင်တန်းသား၊ သင်တန်းသူများကိုယ်စား အပတ်စဉ်(၂၆)မှ သင်တန်းသားတစ်ဦးက ကြိုဆိုနုတ်ခွန်းဆက်စကားပြောကြားပြီး သင်တန်းအပတ်စဉ် (၂၈)မှသင်တန်းသား၊ သင်တန်းသူ (၁၀၀)ကိုယ်စား သင်တန်းသူတစ်ဦးက ကျေးဇူးတင်နှုတ်ခွန်းဆက်စကားပြောကြားကာ ဒုတိယနှစ်သင်တန်းသား၊ သင်တန်းသူများက တက်ရောက်လာကြသူများကို ဂရုဏာအလင်းသီချင်းဖြင့် သီဆိုဖျော်ဖြေခဲ့ကြသည်။
အဆိုပါအခမ်းအနားသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးသိန်းအောင်၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးနိုင်လင်းဦး ခရိုင်နှင့်မြို့နယ်အဆင့်ဌာနဆိုင်ရာများ ကျန်းမာရေးဝန်ထမ်းများ သင်တန်းသား/ သင်တန်းသူများတက်ရောက်ကြကြောင်း သိရသည်။
ကိုစိုး
https://t.me/MyanmarNationalPost
No comments:
Post a Comment