MNP - ဇန်နဝါရီ ၁၂
ရခိုင်ပြည်နယ်၊ ရမ်းဗြဲမြို့၌ စာဖတ်ရှိန်မြှင့်တင်ရေးနှင့် ဝန်ထမ်းများအရည်အသွေးပြည့်ဝစေရေးအတွက်ယနေ့ မွန်းတည့် ၁၂ နာရီအချိန်က လူထုအခြေပြုဗဟိုဌာန (Community Centre) ခန်းမ၌ ပြန်/ဆက်ဦးစီးဌာနဝန်ထမ်းများက စာကြည့်တိုက်လုပ်ငန်းစီမံခန့်ခွဲရေးလက်စွဲစာစောင် စာအုပ်ဖြင့် စာဖတ်ဝိုင်းပြုလုပ်ခဲ့ကြသည်။
ရှေ့ဦးစွာ ရမ်းဗြဲမြို့နယ်၊ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်အောင်တင်ကြည်ကစာဖတ်ဝိုင်းပြုလုပ်ရခြင်းရည်ရွယ်ချက်များကို ရှင်းလင်းပြောကြားသည်။ ဆက်လက်ပြီး ဒုတိယဦးစီးမှူးဒေါ်သိန်းသိန်းနိုင်က စာကြည့်တိုက်အဓိပ္ပါယ်စာကြည့်တိုက်ပညာ၊စာကြည့်တိုက်ပညာနှင့်ထူးခြားသည့်ဝိသေသ စသည့်ခေါင်းစဉ်များ
ဖြင့်ဖတ်ကြားသည်၊ ဆက်လက်ပြီး စာကြည့်တိုက်လက်ထောက်-၃၊ ဦးမောင်ကြည် မှ စာစာကြည့်တိုက်စီမံခန့်ခွဲရေး ခေါင်းစဉ်ဖြင့်ဖတ်ကြားပေးကြသည်။
၎င်းနောက် ဝန်ထမ်းများက စာကြည့်တိုက်လုပ်ငန်းများနှင့်ရှေ့ဆက်လုပ်ဆောင်သွားကြရမည့်လုပ်ငန်းများနှင့်ပတ်သက်၍အပြန်အလှန် ဝိုင်းဝန်းဆွေးနွေးကြရာဆွေးနွေးမှုများအပေါ်တွင်အားနည်းချက်အားသာချက်များကိုပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်အောင်တင်ကြည်က ဖြည့်စွက်ဆွေးနွေးပေးခဲ့ကြကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment