MNP - ဖေဖော်ဝါရီ ၁၄
နေပြည်တော် ပုဗ္ဗသီရိမြို့နယ် ကျည်တောင်ကန်အမှတ်(၁)ရပ်ကွက်၊ မိခင်နှင့်ကလေး မူလတန်းကြိုကျောင်းမှ ၂၀၂၃ ခုနှစ်၊ ဖေဖော်ဝါရီလ (၁၃) ရက်နေ့တွင် ကျရောက်သည့် မြန်မာနိုင်ငံကလေးများနေ့ အထိမ်းအမှတ် ကာယ၊ ဉာဏစွမ်းရည်ပြိုင်ပွဲနှင့် ဆုချီးမြှင့်ပွဲအခမ်းအနားကို ယမန်နေ့နံနက်ပိုင်းက အဆိုပါ မူလတန်းကြိုကျောင်း၌ ကျင်းပခဲ့သည်။
အဆိုပါ အခမ်းအနားသို့ ကျည်တောင်ကန်အမှတ်(၁) အုပ်ချုပ်ရေးမှူးနှင့်အဖွဲ့ဝင်များ၊ မိခင်နှင့်ကလေးစောင့်ရှောက်ရေးအသင်း အဖွဲ့ဝင်များတက်ရောက်ခဲ့သည်။ ရှေးဦးစွာ ကျည်တောင်ကန်အမှတ်(၁) အုပ်ချုပ်ရေးမှူး ဦးရဲဝင်းက အမှာစကားပြောကြားရာတွင် မြန်မာနိုင်ငံကလေးများနေ့ အထိမ်းအမှတ် ပျော်ပွဲရွှင်ပွဲများတွင် ကလေးများ ပါဝင်ဆောင်ရွက်ခွင့်ရရှိစေရန်၊ ကလေးများအားလုံး ဘက်စုံဖွံ့ဖြိုးမှုရရှိစေရန်၊ ကလေးများအနေဖြင့် ကာယစွမ်းရည်သာမက ဉာဏစွမ်းရည်များပါ ဖွံ့ဖြိုးတိုးတက်စေရန်ရည်ရွယ်၍ ပြုလုပ်ခြင်းဖြစ်ကြောင်း ပြောကြားခဲ့သည်။
ထို့နောက် ကျည်တောင်ကန်အမှတ်(၁) မူလတန်းကြိုကျောင်းမှ ကလေးငယ်များက အကပဒေသာများ ဖျော်ဖြေတင်ဆက်ခြင်း၊ ပုံပြင်နှင့်ကဗျာရွတ်ပြိုင်ပွဲများ ပြုလုပ်ရာ တာဝန်ရှိသူသများကဆုများနှင့် ဆုလက်ဆောင်များ အသီးသီးချီးမြှင့်ပေးခဲ့ကြောင်း သိရသည်။
သန္တာလင်း
https://t.me/MyanmarNationalPost
No comments:
Post a Comment