MNP - ဖေဖော်ဝါရီ ၁၄
မွန်ပြည်နယ်၊ ဘီးလင်းမြို့နယ်တွင် မြို့နယ်မီးသတ်ဦးစီးဌာန၊ (ဘီးလင်း) ယာဉ်ထိန်းတပ်ဖွဲ့စိတ်နှင့် ပညာရေးဌာနတို့ပူးပေါင်း၍ ယာဉ်စည်းကမ်း၊ လမ်းစည်းကမ်းနှင့် မီးဘေးလုံခြုံရေး အသိပညာပေးဟောပြောခြင်းကို ယမန်နေ့ နံနက်ပိုင်းက အ.ထ.က(ဘီးလင်း) ပညာ့အားမာန် ခန်းမ၌ ကျင်းပပြုလုပ်ခဲ့သည်။
ရှေးဦးစွာ ဘီးလင်းမြို့နယ် မီးသတ်ဦးစီးဌာနမှ မီးသတ်ဦးစီးမှူး ဦးထွန်းထွန်းလင်းက မီးဘေးအန္တရာယ် ကြိုတင်ကာကွယ်ရေး၊ စနစ်တကျမီး သုံးစွဲရေးနှင့် မီးသတ်ဆေးဘူးစနစ်တကျ ကိုင်တွယ်အသုံးပြုနည်းများကိုလည်းကောင်း၊ ယာဉ်ထိန်းတပ်ဖွဲ့စိတ်(ဘီးလင်း)မှ ရဲအုပ် သန်းထွန်းနိုင် က ကျောင်းသား၊ ကျောင်းသူများအား လိုက်နာဆောင်ရွက်ရမည့် ယာဉ်စည်းကမ်း၊ လမ်းစည်းကမ်းများကိုလည်းကောင်း အသိပညာပေး ဟောပြောခဲ့ကြပြီး ယာဉ်စည်းကမ်း၊ လမ်းစည်းကမ်း အသိပညာပေး လက်ကမ်းစာစောင်နှင့် မီးဘေးအန္တရာယ် အသိပညာပေး လက်ကမ်း စာစောင်များကို ကျောင်းသား၊ ကျောင်းသူများအား ဖြန့်ဝေပေးခဲ့သည်။
ထို့နောက် ဘီးလင်းမြို့နယ် မီးသတ်ဦးစီးဌာနမှ မီးသတ်ဦးစီးမှူး ဦးထွန်းထွန်းလင်းနှင့် မီးသတ်တပ်ဖွဲ့ဝင်များက မီးငြှိမ်းသတ်ပုံများကို လက်တွေ့လုပ်ဆောင်ပြသခဲ့ကြရာ ကျောင်းသား၊ ကျောင်းသူများက စိတ်ဝင်တစားလေ့လာကြည့်ရှုခဲ့ကြောင်း သိရသည်။
ထူးနောင်
https://t.me/MyanmarNationalPost
No comments:
Post a Comment