MNP - ဖေဖော်ဝါရီ ၁၄
မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် သဘာဝဘေးအန္တရာယ်ဆိုင်ရာ အသိပညာပေးဟောပြောပွဲကို ယမန်နေ့မွန်းလွဲ ၃နာရီအချိန်က ကျင်းပခဲ့သည်။
ရှေးဦးစွာမြို့နယ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ဦးစီးအရာရှိ ဦးစောမြဖောင်းက သဘာဝဘေးသည်မမျှော်မှန်းနိုင်သည့် အခြေအနေအချိန်ခါတွင်လည်း ဖြစ်ပေါ်နိုင်ကြောင်း၊ သဘာဝဘေးဖြစ်ပေါ်လာပါက ကြိုတင်ပြင်ဆင်လိုက်နာဆောင်ရွက်နိုင်ရန် ရည်ရွယ်၍ ငလျင်ဘေးနှင့်ပတ်သက်၍ ကြိုတင်ပြင်ဆင်ရန်အချက်များ၊ ငလျင်လှုပ်နေစဥ်တွင်လိုက်နာရန် အချက်များနှင့်ရှောင်ရှားသင့်သည့်အချက်များ၊ ငလျင်လှုပ်ပြီးနောက်ပြုလုပ်ရန်အချက်များ၊ ရှောင်ရှားသင့်သည့်အချက်များ နှင့်နောက်ဆက်တွဲဖြစ်လာနိုင်သည့် ရေဘေးနှင့်ပတ်သက်သည့် အခြေခံအကြောင်းတရားများ၊ သတိပြုရမည့်အချက်များ၊ ကြိုတင်ကာကွယ်နည်းများ၊ ရေဘေးဖြစ်လျှင်ဆောင်ရွက်ရမည့်အချက်များနှင့် ဖြစ်ပြီးနောက် ဆောင်ရွက်ရမည့်အချက်များကို ဟောပြောခဲ့သည်။
အဆိုပါ အသိပညာပေးဟောပြောပွဲသို့ မြို့နယ်စီမံအုပ်ချုပ်အဖွဲ့ဥက္ကဋ္ဌ ဦးစိုးလွင်နှင့် အဖွဲ့ဝင်များ၊ မြို့နယ်အဆင့်ဌာနဆိုင်ရာတာဝန်ရှိသူများ၊ မြို့ပေါ်ရပ်ကွက်များမှ အုပ်ချုပ်ရေးမှူးနှင့် ရာအိမ်မှူးများတက်ရောက်ခဲ့ပြီး ဟောပြောပွဲတက်ရောက်သူများအား မြို့နယ်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ သဘာဝဘေးနှင့်ပတ်သက်သည့် အသိပညာပေးလက်ကမ်းစာစောင်များ ဖြန့်ဝေပေးအပ်ခဲ့ကြောင်း သိရသည်။
ကျော်မိုး
https://t.me/MyanmarNationalPost
No comments:
Post a Comment