မာန်အောင်မြို့၌ ရွေ့လျားစာကြည့်တိုက် စနစ်ဖြင့် မြို့နယ် အခွန်ဦးစီးဌာနမှူး ရုံးဝန်ထမ်းများအားစာအုပ်စာစောင်များ(အခမဲ့) ငှားရမ်းဆောင်ရွက်

MNP   -    ဖေဖော်ဝါရီ ၁၃

ရခိုင်ပြည်နယ် မာန်အောင်မြို့နယ်တွင် စာဖတ်ရှိန်မြှင့်တင်ရေးအတွက်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှဝန်ထမ်းများက စာကြည့်တိုက်သို့ အလုပ်မအားလပ်၍ မလာရောက်နိုင်သည့် ဌာနဆိုင်ရာရုံးဝန်ထမ်းများနှင့် စာဖတ်ပရိတ်သတ်များအား စာပေဖတ်ရှုမှု အဆင်ပြေစေရန် ရွေ့လျားစာကြည့်တိုက်စနစ်ဖြင့် စာဖတ်သူများ လက်ဝယ်အရောက်( အခမဲ့)ငှားရမ်း ဝန်ဆောင်မှုပေးလျက်ရှိရာ ယနေ့ မွန်းလွဲ၁နာရီက မြို့နယ်အခွန်ဦးစီးဌာနမှူး ရုံးဝန်ထမ်းများအား သွားရောက်ငှားရမ်း ပေးခဲ့သည်။

     မာန်အောင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန အနေဖြင့် ရွေ့လျားစာကြည့်တိုက်စနစ်ဖြင့်စာအုပ်များဌားရမ်းပေးရာတွင် သုတ/ရသ/ဝတ္တုစာအုပ်များ၊မဂ္ဂဇင်းစာအုပ်များကို တစ်ပတ် ငှားရမ်းပြီး တစ်ပတ်ပြည့်လျှင် စာအုပ်အသစ်ဖြင့် ပြန်လည် လဲလှယ်ငှားရမ်းပေးသည့် စနစ်ဖြင့်(အခမဲ့)ငှားရမ်းဆောင်ရွက်လျက်ရှိကြောင်းသိရသည်။

ဦးသိန်းဖေ

 https://t.me/MyanmarNationalPost