MNP - ဖေဖော်ဝါရီ ၁၃
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ ဒဂုံမြို့သစ်(တောင်ပိုင်း) မြို့နယ်တွင် (၇၆)နှစ်မြောက်ပြည်ထောင်စုနေ့အထိမ်းအမှတ် မြို့နယ်အား / ကာကော်မတီဥက္ကဋ္ဌဖလားဌာနဆိုင်ရာ ဖိတ်ခေါ်ဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲကို ယမန်နေ့နံနက်၉နာရီက မြို့နယ်အားကစားကွင်းတွင် ကျင်းပပြုလုပ်ကြောင်းသိရသည်။
ရှေးဦးစွာ ဗိုလ်လုပွဲကို မြို့နယ်မီးသတ်ဦးစီးဌာန ကိုယ်စားပြုအသင်းနှင့် မြို့နယ် Old Star အသင်းများတို့က ယှဉ်ပြိုင်ကစားကြရာ မြို့နယ် Old Star အသင်းများက ပထမရရှိပြီး မြို့နယ်မီးသတ်ဦးစီးဌာန ကိုယ်စားပြုအသင်းက ဒုတိယ၊ မြို့နယ်ပညာရေးမှူးရုံး ကိုယ်စားပြုအသင်းက တတိယရကြောင်းသိရသည်။
ထို့နောက်ဆုချီးမြှင့်ပွဲကို ဆက်လက်ကျင်းပရာ ပြိုင်ဝင်အသင်းများအား ကျောင်းသူလေးများက ပန်းစည်းများပေးအပ်ကာ ပထမဆုကို Old Star အသင်း၊ ဒုတိယဆုကို မြို့နယ်မီးသတ်ဦးစီးဌာန ကိုယ်စားပြုအသင်း၊ တတိယဆုကို မြို့နယ်ပညာရေးမှူးရုံး ကိုယ်စားပြုအသင်းတို့ကရရှိပြီး ပထမဆုနှင့် ဒုတိယဆုရရှိအသင်းများကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းနိုင်ကဆုများချီးမြှင့်ပေးအပ်ပြီး တတိယဆုကို မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်သန်းသန်းအေးက ချီးမြှင့်ပေးအပ်ကြောင်း သိရသည်။
အခမ်းအနားသို့ မြို့နယ်စီမံအုပ်ချုပ်ရေးအဖွဲ့နှင့် ဌာနဆိုင်ရာများ အားကစားဝါသနာရှင်များ၊ ပြိုင်ပွဲဝင်အားကစားသမားများ တက်ရောက်ကြကြောင်းသတင်းရရှိသည်။
ကျော်စွာမိုး
https://t.me/MyanmarNationalPost
No comments:
Post a Comment