ကျိန္တလီမြို့၌ ကိုယ့်အားကိုယ်ကိုး မူလတန်းကြိုကျောင်းတွင် မြန်မာနိုင်ငံကလေးများနေ့ အထိမ်းအမှတ် ကာယ၊ ဉာဏနှင့် စာရိတ္တ ထူးချွန်ဆုများချီးမြှင့်ခြင်းအခမ်းအနားကျင်းပ

MNP  -   ဖေဖေါ်ဝါရီ ၁၄

    ရခိုင်ပြည်နယ်၊ သံတွဲခရိုင်၊ ကျိန္တလီမြို့၌ မြန်နိုင်ငံကလေးများနေ့ အထိမ်းအမှတ် ကာယ၊ ဉာဏနှင့် စာရိတ္တ ထူးချွန်ဆုများ ချီးမြှင့်ခြင်းအခမ်းအနားကို ယမန်နေ့ ညက ကိုယ့်အားကိုယ်ကိုး မူလတန်းကြို ကျောင်းတွင်ကျင်းပပြုလုပ်ခဲ့သည်။

    ရှေ့ဦးစွာ အထွေထွေအုပ်ချုပ်ရေးဦးစီးဌာနမှ မြို့းဦးစီးမှူး ဦးဉာဏ်လင်းက အဖွင့်အမှာစကား ပြောကြားပြီး မူကြိုကျောင်းဖြစ်မြောက်ရေးကော်မတီဝင်နာယက ဆရာဦးလှရွှေနှင့် ဦးထိန်ဝင်းတို့မှ မူကြိုကျောင်း ဆောက်လုပ်ခြင်းလုပ်ငန်းနှင့်စပ်လျင်း၍ ဆွေးနွေး​ပြောကြားခဲ့သည်။ ထို့နောက် မူကြိုကျောင်း တာဝန်ခံ ဆရာမကြီးမှ ကျေးဇူးတင်စကားပြန်လည်ပြောကြားခဲ့သည်။ ဆက်လက်၍ ၂၀၂၂-၂၀၂၃ ပညာသင်နှစ် ကာယ၊ ဉာဏ၊ စာရိတ္တထူးချွန်ဆုများနှင့် ဂုဏ်ပြုမှတ်တမ်းလွှာများကို သားငယ်/သမီးငယ်လေးများအား ဌာနဆိုင်ရာများနှင့် တာဝန်ရှိများအသီးသီး ချီးမြှင့်ပေးခဲ့ကြပြီး သားငယ်/သမီးငယ်လေးများက အကပဒေသာများဖြင့် သီဆိုကပြဖျော်ဖြေခဲ့သည်။ အဆိုပါ အခန်းအနားသို့ ဌာနဆိုင်ရာများ၊ ကိုယ့်အားကိုယ်ကိုး မူလတန်းကြိုကျောင်းမှ ဆရာမများနှင့် ကလေးများ၏ မိဘများ တက်ရောက်ခဲ့ကြောင်းသိရသည်။

ဇော်လင်း

 https://t.me/MyanmarNationalPost