MNP - ဖေဖော်ဝါရီ ၁၃
မွန်ပြည်နယ်၊ ကျိုက်ထိုမြိုနယ်တွင်လူဝင်မှုကြီး ကြပ်ရေးနှင့် ပြည်သူ့အင်အားဝန်ကြီးဌာန ကျိုက်ထို မြို့နယ်ဦးစီးမှူးရုံးမှ ပန်းခင်းစီမံချက်ဖြင့်အသက်(၁၀)နှစ်နှင့်အထက် အခြေခံပညာမူလတန်းလွန်ကျောင်းသားကျောင်းသူများအားနိုင်ငံသားစိစစ်ရေးကတ်ပြားဆောင်ရွက်ပေးခြင်းကိုဖေဖော်ဝါရီ(၁၃)ရက် နံနက်(၁၁)နာရီအချိန်တွင်အမှတ်(၂)မူလတန်းလွန်ကျောင်းမြောက် ပိုင်း၌ကျင်းပပြုလုပ်ခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးမျိုးမင်းစိုးက ယခုဆောင်ရွက်ပေးသည့်နိုင်ငံသားစိစစ်ရေးကတ်သည်မိမိတို့ဘဝအတွက်အရေးကြီးပါကြောင်း၊မိမိတို့မည်သည့်အလုပ်ကိုပဲလုပ်လုပ်နိုင်ငံသားစိစစ်ရေးကတ်သည် မရှိမဖြစ် လိုအပ်ပါကြောင်း၊ဒါကြောင့် မပျောက်မပျက်အောင်ထိန်းသိမ်းဆောင်ရွက်စေလိုကြောင်း ပြောကြားပြီး၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ကျိုက်ထိုမြို့နယ်ဦးစီးမှူး ဦးဝင်းနိုင်က ပန်းခင်းစီမံချက်ဖြင့် နိုင်ငံသားစိစစ်ရေးကတ်ပြုလုပ်ပေးသည့်ရည်ရွယ်ချက်ကို ရှင်းလင်းပြောကြားခဲ့သည်။
ထို့နောက် ကျောင်းသား၊ကျောင်း သူ(၂၈၆)ဦးအား မြို့နယ်စီမံအုပ်ချုပ်ရေးအဖွဲ့ဥက္ကဌ ဦးမျိုးမင်းစိုးနှင့် အဖွဲ့ဝင်များမှ နိုင်ငံသားစိစစ်ရေးကတ်ပြားများပေးအပ်ခဲ့ကြောင်းသိရသည်။
ဝင်းမောင်
https://t.me/MyanmarNationalPost
No comments:
Post a Comment