MNP ၊ မတ် ၁၀
ရခိုင်ပြည်နယ်၊ ပုဏ္ဏားကျွန်းမြို့တွင် စာစစ်ဌာန(၄)ခုဖွင့်လှစ်ပြီး၊ တက္ကသိုလ်ဝင်တန်း စာမေးပွဲ တတိမြောက်နေ့၊ ယနေ့၊ သင်္ချာဘာသာရပ်ကို ကျောင်းသား၊ ကျောင်းသူ ၁၃၂၅ ဦး၊ အေးချမ်းစွာဖြင့် ဝင်ရောက်ဖြေဆိုလျက်ရှိသည်။
ပုဏ္ဏားကျွန်းမြို့နယ်အတွင်းရှိ ကျောင်းသား/သူများ တက္ကသိုလ်ဝင်တန်းစာမေးပွဲကို စိတ်အေးချမ်းသာစွာ ဝင်ရောက်ဖြေဆိုနိုင်ရေးအတွက် မြို့နယ်စီမံအုပ်ချုပ်ရေးအဖွဲ့မှကြီးကြပ်ပြီး၊ အထက-ပုဏ္ဏားကျွန်း၊ အထက(ခွဲ)-မြို့မ၊ မူ(လွန်)-ရွာဟောင်းနှင့် မူ(လွန်)-စံပြ(၂)စသည့် စာစစ်ဌာန(၄)ခုကို ဖွင့်လှစ်၍ မြန်မာနိုင်ငံရဲတပ်ဖွဲ့နှင့်ဌာနဆိုင်ရာများက နယ်မြေလုံခြုံရေး လုပ်ငန်းများ ဆောင်ရွက်လျက်ရှိသည်။
ပုဏ္ဏားကျွန်းမြို့နယ်၌ တက္ကသိုလ်ဝင်တန်းစာမေးပွဲ ဖြေဆိုခွင့်စာရင်းရှိ ကျောင်းသား၊ ကျောင်းသူ(၁၅၀၉)ဦးရှိရာ ယနေ့၊ သင်္ချာဘာသာရပ်ကို စာစစ်ဌာန(၄)ခုတွင် ဝင်ရောက် ဖြေဆိုသူ(၁၃၂၃)ဦး၊ ပျက်ကွက်သူ(၁၈၆)ဦးရှိကြောင်း မြို့နယ်ပညာရေးမှူးရုံးမှသိရသည်။
နီထွန်းအောင်
https://t.me/MyanmarNationalPost
No comments:
Post a Comment