MNP ၊ မတ် ၁၀
ကျောင်းသား၊ ကျောင်းသူလူငယ်များ ဗလငါးတန်ဖွံ့ဖြိုးတိုးတက်စေရေးနှင့်အသိပညာဗဟုသုတမြင့်မားရေးရည်ရွယ်၍ လူငယ်ရေးရာအသိပညာပေး ဟောပြောပွဲ၊ နံရံကပ်စာစောင်ပြပွဲနှင့် စာအုပ်ပြပွဲအခမ်းအနားကို ယမန်နေ့နံနက် ၉:၀၀ နာရီက ပြည်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး လူထုအခြေပြုဗဟိုဌာန Community Centre ခန်းမ၌ ကျင်းပပြုလုပ်ခဲ့သည်။
အခမ်းအနားတွင် ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ခရိုင်ဦးစီးမှူး လက်ထောက်ညွှန်ကြားရေးမှူး ဒေါ်ခင်ရွှေဝါဖူးက ကျောင်းသား၊ ကျောင်းသူ ကလေးသူငယ်များအား မူးယစ်ဆေးဝါးအန္တရာယ်ဆိုးကျိုးများအကြောင်းနှင့် စာဖတ်ခြင်း၏ အကျိုးကျေးဇူးများအကြောင်း ရှင်းလင်းဆွေးနွေးသည်။
ယင်းနောက် ကျောင်းသား၊ ကျောင်းသူကလေးငယ်များအား မူးယစ်ဆေးဝါးအန္တရာယ်နံရံကပ်စာစောင်များနှင့် စာသုံးသူရေးရာဦးစီးဌာနမှ ထုတ်ဝေထားသော စားသုံးရန်မသင့်သည့် အစားအစာများအကြောင်း နံရံကပ်စာစောင်များကို ကြည်ရှုလေ့လာစေခဲ့ပြီး ဗဟုသုတဖြစ်ဖွယ် စာအုပ်များအား ဖတ်ရှုလေ့လာစေခဲ့သည်။
အဆိုပါအခမ်းအနားသို့ ကျောင်းသား၊ ကျောင်းသူ ၂၀ ဦးခန့် တက်ရောက်ခဲ့ကြောင်း သိရသည်။
ကိုစိုး
https://t.me/MyanmarNationalPost
No comments:
Post a Comment