သနပ်ပင်မြို့နယ်တွင် နွေရာသီအခြေခံအားကစားသင်တန်းဆင်းပွဲ ကျင်းပ - MyanmarNationalPost

MyanmarNationalPost

News Agency

Breaking

သနပ်ပင်မြို့နယ်တွင် နွေရာသီအခြေခံအားကစားသင်တန်းဆင်းပွဲ ကျင်းပ




MNP ၊ မတ်  ၁၈

ပဲခူးတိုင်းဒေသကြီး၊ ပဲခူးခရိုင်၊ သနပ်ပင်မြို့နယ် အားကစားနှင့်ကာယပညာဦးစီးဌာနမှ ကြီးမှူးကျင်းပသော  နွေရာသီအခြေခံအားကစားသင်တန်းဆင်းပွဲကို ယမန်နေ့ နံနက်ပိုင်းကမြို့နယ်မိုးလုံလေလုံ အားကစားခန်းမ၌ ကျင်းပပြုလုပ်ခဲ့သည်။


အဆိုပါ သင်တန်းဆင်းပွဲတွင် မြို့နယ်အားကစားနှင့်ကာယပညာဦးစီးဌာနမှ မြို့နယ်ဦးစီးမှူး ဒေါ်သန်းသန်းဆွေက လူငယ်များအားကစားကို ပိုမိုစိတ်စားလာပြီး၊ ထူးချွန်ထက်မြက်သော အားကစားသမားကောင်းများ ပေါ်ထွန်းလာရေး၊ အားကစားစိတ်ဓာတ်ရှင်သန် ထက်မြက်ရေး၊ စသည်များကိုရည်ရွယ်၍ ပြုလုပ်ရခြင်းဖြစ်‌‌ကြောင်း သင်တန်းဆင်းပွဲတွင်  အားကစားသမားများအား ပြောကြားခဲ့သည်။


သင်တန်းတွင်  ဘောလုံး၊ ဖူဆယ်၊ ဘက်စကတ်‌ဘော၊ ပြေးခုန်ပစ်၊ ဘောလီဘော စသည့် အားကစားနည်းများကို  သက်ဆိုင်ရာနည်းပြများက  လက်တွေ့ လေ့ကျင့်သင်ကြားပို့ချပြီး   ပထမရရှိသော အကြီးတန်းအသင်း၊  ဒုတိယရရှိသော အငယ်တန်းအသင်းတို့မှ အားကစား သမားများအား မြို့နယ်အားကစားမှူးနှင့် မြို့နယ်ဘောလုံး ဆပ်ကော်မတီဝင်များမှ ငွေသားဆုများနှင့် ဆုဖလားတို့အား ချီးမြှင့်ပေးအပ်ခဲ့ကြောင်း သိရသည်။


လှမိုး

https://t.me/MyanmarNationalPost




No comments:

Post a Comment

Donate and Support

Donate and Support

မြန်မာနေရှင်နယ်ပို့စ် သတင်းအေဂျင်စီ သည် အမျိုးသားရေးကို ဦးထိပ်ထားသည့် သတင်းမီဒီယာဖြစ်ပါသည်။ တိုင်းရင်းသား ပြည်သူများ သတင်းမှန်များ သိရှိစေရေးကိုသာ ဦးစားပေး ဆောင်ရွက်လျက်ရှိပါသည်။ မြန်မာနေရှင်နယ်ပို့စ်သို့ အနှောင်အဖွဲ့ကင်းစွာ ကူညီပံ့ပိုးနိုင်ပါသည်။

KBZ Pay - 09793975969 (U Nauing Win Tun)

Wave Pay - 09692366274 (U Naing Win Tun)