ပဲခူး မတ် ၁၀
၂၀၂၃ ခုနှစ်၊ တက္ကသိုလ်ဝင်စာမေးပွဲက တိုင်းဒေသကြီးနှင့်ပြည်နယ်အသီးသီးတို့၌ ကျင်းပလျက်ရှိရာ ပဲခူးတိုင်းဒေသကြီးအတွင်း မြို့နယ်(၂၈)မြို့နယ်ရှိ သက်ဆိုင်ရာစာစစ်ဌာနများအလိုက် ကျောင်းသား၊ ကျောင်းသူများ စိတ်အေးချမ်းသာစွာဝင်ရောက် ဖြေဆိုလျက်ရှိသည်။
၂၀၂၃ ခုနှစ်၊ တက္ကသိုလ်ဝင်စာမေးပွဲကို မတ်လ ၈ ရက်နေ့၌ စတင်ကျင်းပခဲ့ရာ ယနေ့တွင် တတိယမြောက်နေ့အဖြစ် သင်္ချာဘာသာရပ်ကို ဖြေဆိုခဲ့ကြရာ ပဲခူး(အရှေ့)၌ စာစစ်ဌာန(၃၂)ခု၌ စာရင်းရှိ(၆၉၈၁)ဦး၊ ဖြေဆိုသူ(၆၃၁၉)ဦးဖြေဆိုသည့်ရာခိုင်နှုန်း(၉၀၅၂)၊ ပဲခူး(အနောက်)၌ စာစစ်ဌာန(၄၃)ခု၊ စာရင်းရှိ (၆၆၄၉)ဦး၊ ဖြေဆိုသူ(၆၀၆၈)ဦး၊ ဖြေဆိုသည့် ရာခိုင်နှုန်း (၉၁.၂၆)ဖြစ်ပြီး တိုင်းချုပ်အနေဖြင့် စာစစ်ဌာန(၇၅)ခု၊ စာရင်းရှိ(၁၃၆၃၀)ဦး၊ ဖြေဆိုသူ(၁၂၃၈၇)ဦး၊ ဖြေဆိုသည့်ရာခိုင်နှုန်း(၉၀.၈၈)ဖြစ်သည်။ ပဲခူးတိုင်းဒေသကြီးအတွင်း မြို့နယ်အသီးသီးရှိ စာစစ်ဌာနအသီးသီးတွင် ကျောင်းသား၊ ကျောင်းသူများသည် စိတ်အေးချမ်းသာစွာနှင့် ဘေးအန္တရာယ်ကင်းရှင်းစွာဖြင့် ဖြေဆိုနိုင်ရေးအတွက် ကျောင်းဝင်းအတွင်းနှင့်အပြင်များတွင် သက်ဆိုင်ရာလုံခြုံရေးအဖွဲ့ဝင်များ၊ ကျန်းမာရေးဝန်ထမ်းများ၊ မီးသတ်တပ်ဖွဲ့ဝင်များနှင့် ရပ်ကွက်ကျေးရွာအုပ်ချုပ်ရေးဖွဲ့ဝင်များက စနစ်တကျစောင့်ကြပ်ကြည့်ရှုပေးလျက်ရှိကြောင်း သိရသည်။
ကိုတွတ်
https://t.me/MyanmarNationalPost
No comments:
Post a Comment