MNP ၊ မတ် ၁၃
ပဲခူးတိုင်းဒေသကြီး ညောင်လေးပင်ခရိုင်ညောင်လေးပင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန(Community Centre) ခန်းမ၌ ယနေ့မွန်းလွဲ ၁ နာရီက မြို့နယ် စာရေးဆရာအသင်းမှ လုပ်ငန်းညှိနှိုင်း ဆွေးနွေးပွဲကျင်းပပြု လုပ်ခဲ့ကြောင်းသိရသည်။
အဆိုပါ ဆွေးနွေးပွဲတွင် ဦးခေမာစာရ(သုတသွေး-စံဖဲ)မှ မုဒိတာစကားပြောကြားပြီး မြန်မာနိုင်ငံစာရေးဆရာအသင်း (ဗဟို) အမှုဆောင်နှင့် မြို့နယ်စာရေးဆရာအသင်း (နာယက)ဒေါက်တာမြင့်သန်း (ညောင်လေးပင်)က အဖွင့်အမှာစကားပြောကြားခဲ့သည်။ ထို့နောက် မြို့နယ် စာရေးဆရာအသင်း ဥက္ကဋ္ဌ ဦးစိုးဝင်း (မောင်စုမြင် -ညောင်လေးပင်)က အခြေခံပန်းချီရေးဆွဲနည်း သင်တန်းဖွင့်လှစ်မည့် အကြောင်းအရာများအားပြောကြားခဲ့ပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမြို့နယ်ဦးစီးမှုး ဒေါ်နီနီဝင်းမှ သင်တန်းဖွင့်လှစ်မည့်အကြောင်းအရာများအား ထပ်မံဖြည့်စွက်ပြောကြားခဲ့သည်။
၎င်းနောက် ဆွေးနွေးပြီးသော အကြောင်းအရာများအား ဆုံးဖြတ်ချက်များချမှတ်ခဲ့ကာ မြန်မာနိုင်ငံစာရေးဆရာအသင်း (ဗဟို) အမှုဆောင်နှင့် မြို့နယ်စာရေးဆရာအသင်း (နာယက) ဒေါက်တာမြင့်သန်း (ညောင်လေးပင်)မှ နိဂုံးချုပ်စကားပြောကြားခဲ့ကြောင်းသိရသည်။
ထို့နောက် တတ်ရောက်လာကြသော စာရေးဆရာအသင်းအဖွဲ့ဝင်များနှင့် စာပေဝါသနာရှင် များမှသိရှိလိုသည်များအား အပြန်အလှန် ညှိနှိုင်းဆွေးနွေးခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment