MNP ၊ မတ် ၁၄
ရှမ်းပြည်နယ်(မြောက်ပိုင်း)၊ လားရှိုးမြို့ လူထုအခြေပြုဗဟိုဌာန (Community Centre)၊ ကွန်ပျူတာခန်းမတွင် ယမန်နေ့ နံနက်(၈)နာရီအချိန်က အခြေခံကွန်ပျူတာသင်တန်း (၁/၂၀၂၃) ဖွင့်ပွဲအခမ်းအနား ကျင်းပ ပြုလုပ်ခဲ့သည်။
အခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တွဲဖက်ပြည်နယ်ဦးစီးမှူး ဒေါ်နန်းသန္တာဦးက အခမဲ့သင်တန်းများဖွင့်လှစ်ရခြင်းနှင့် လားရှိုးလူထုအခြေပြုဗဟိုဌာန (Community Centre)တွင် ဆောင်ရွက်လျက်ရှိသော အခမဲ့သင်တန်းများ၊ ပြည်သူ့အကျိုးပြုလုပ်ငန်းများနှင့်ပတ်သက်၍ ရှင်းလင်း ပြောကြားခဲ့သည်။ ထို့နောက် ကွန်ပျူတာသင်တန်းကို ဦးဆောင်သင်ကြားမည့် ဦးထက်မြတ်စိုး(ရွှေပြည့်အိမ်)က သင်တန်းစည်းကမ်း၊ သင်ကြားပို့ချမည့် ဘာသာရပ်များနှင့်ပတ်သက်၍ ရှင်းလင်းပြောကြားခဲ့သည်။
အဆိုပါကွန်ပျူတာသင်တန်းကို (၁၃-၃-၂၀၂၃)ရက်နေ့မှစ၍ အချိန်တစ်လခွဲ သင်ကြားပို့ချသွားမည် ဖြစ်ပြီး သင်တန်းသား၊ သင်တန်းသူ(၂၃)ဦးတက်ရောက် သင်ကြားလျက်ရှိကြောင်း သိရသည်။
စိုင်းအောင်ကျော်စိုး
https://t.me/MyanmarNationalPost
No comments:
Post a Comment